DÜNYA

Soros Fondu bu ölkədə nümayəndəliyini bağladı
15 MAY
216

Soros Fondu bu ölkədə nümayəndəliyini bağladı

2018-05-15 15:11:00

ABŞ milyarderi və filantropu Corc Sorosun “Açıq cəmiyyət” Fondu Macarıstanın paytaxtı Budapeştdəki nümayəndəliyini bağlayır.

Fins.az-ın fondun rəsmi saytına istinadən xəbər verir ki, təşkilat bu nümayəndəliyi Berlinə daşımaq niyyətindədir. 

Budapeşt nümayəndəliyinin bağlanma səbəbi kimi Macarıstan rəhbərliyi tərəfindən göstərilən siyai və hüquqi repressiyalarla əlaqələndirilir. Qərar qeyri-hökumət təşkilatlarının fəaliyyətini məhdudlaşdırmaq üçün yeni bir qanun paketinin qəbul edilməsi ərəfəsində qəbul edilib.

Həmçinin təşkilat Macarıstan hökumətini fonda qarşı yalan kompaniyası aparmaqda ittiham edib. Belə ki, 2017-ci ilin oktyabrında Macarıstan vətəndaşlarına 7 milyon məktub paylanılıb. Bu məktublarda “Açıq cəmiyyət” ölkəyə qaçaq immiqrantların gətirilməsində ittiham edilib. Fondun məlumatına görə Macarıstan hökuməti bu işə artıq 100 milyon avro  xərcləyib.

Qanun layihəsi immiqrantlarla işləyən qeyri-hökumət təşkilatlarını Xarici İşlər Nazirliyindən lisenziya almağa və xarici maliyələşməyə görə 25% vergi ödəməyə məhkum qılır. Həmçinin dövlət təhlükəsizlik xidmətləri tərəfindən bu təşkilatlar yoxlanıla bilər.

Qeyd edək ki, 2017-ci ilin aprelində “Soros Universiteti” macarıstan hakimiyyəti tərəfindən bağlanılıb.

Məşhur nəşr “Forbes”in 2018-ci ili üçün araşdırmasına görə isə Corc Sorosun dövləti 8 milyard dollar dəyərində qiymətləndirilib. O, bu sərvətlə dünya üzrə 190-cı yerdə qərarlaşıb. 2017-ci ildə isə Soros öz sərvətinin böyük hissəsini “Açıq Cəmiyyət” fonduna bəxş edib.

© Modern.az

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9635
  • ₽ RUB
    0.0257