DÜNYA

Rusiya dolları süni bahalaşdıra bilər
08 NOYABR
335

Rusiya dolları süni bahalaşdıra bilər

2017-11-08 09:05:00

Rusiyada oktyabr ayının illlik inflyasiya göstəricisi 2,7% təşkil edib. Bu, sentyabr ayının analoji göstəricisindən 0,3 faiz bəndi azdır. Qeyd edək ki, analitiklər inflyasiyanın 2,8% olacağını ehtimal edirdilər.

Analitiklər bildirir ki, oktyabrda illik inflyasiya götəricisi Rusiya Bankının (Mərkəzi Bank) hədəflədiyi 4%-lik həddindən xeyli aşağıdır. Buna səbəb kimi, Rusiya Bankının dövriyyədə olan pul kütləsini azaltması, büdcə xərclərini kəsməsi və əhalinin real gəlirlərinin azalması amilləri göstərilir.

Qeyd edək ki, 2018-ci ilin büdcəsində də Rusiya hökuməti büdcə gəlirlərini xərclərdən daha çox artırıb. Belə ki, 2018-ci ildə büdcə gəlirləri 3,7% artacaq, xərclər isə 1% artım göstərəcək. Bu da onu deməyə imkan verir ki, 2018-ci ildə Rusiyada deflyasiya baş verə bilər. Bunun qarşısının alınması üçün Rusiyada dolların məzənnəsinin yüksəldilərək süni inflyasiya yaradılması proqnozlaşdırılır.

© Report

© Materiallardan istifadə edərkən hiperlinklə istinad olunmalıdır
+8°C
  • $ USD
    1.7001
  • € EUR
    2.0152
  • ₽ RUB
    0.0291