DÜNYA

"Devalvasiya təhlükəsi hər zaman var"
03 NOYABR
974

"Devalvasiya təhlükəsi hər zaman var"

2017-11-03 13:03:00

Neft yenidən ucuzlaşarsa, Yaxın Şərq ölkələri maliyyə böhranı ilə üzləşəcək

Dünya bazarında neftin qiyməti yenidən düşməyə başlayarsa, Yaxın Şərqin neftlə zəngin ölkələrində maliyyə böhranı başlayacaq və bu, bütün region ölkələrinə yayılacaq. 

Analitiklər bildirirlər ki, Fars körfəzi ölkələrinin valyutalarının ABŞ dollarına bağlı olması amili neftin qiymətinin düşməsi zamanı önəmli iqtisadi çətinlik yaradır. 

"Mütəmadi olaraq bu ölkələr valyuta məzənnəsinin formalaşması sisteminin dəyişdirilməsini müzakirə edir. Hazırda neftin qiymətinin yüksəlməsi devalvasiya riskini azaltsa da, təhlükə hər zaman var", - deyən analitiklərin fikrincə, bu ölkələrdən hər hansı birində devalvasiya olarsa, bütün region ölkələrində zəncirvari reaksiya qaçılmazdır.

Qeyd edək ki, neftin hazırkı qiyməti də bəzi ölkələrin büdcəsinin balanslaşdırılmasına kömək etmir. Belə ki, IMF-in hesablamalarına görə, Səudiyyə Ərəbistanı üçün balanslaşdırılmış büdcə 73,1 dollar/barel, Bəhreyn üçün 99 dollar/barel qiyməti zamanı mümkündür.

"Bloomberg" agentliyinin məlumatına görə, Bəhreyn hökuməti Səudiyyə Ərəbistanı, BƏƏ və Küveytə maliyyə yardımı üçün müraciət edib. Belə ki, Bəhreyndə son 3 ildə ilk dəfə olaraq dollar bahalaşaraq 0,3770-dən 0,3780 dinara yüksəlib. Ölkənin valyuta ehtiyatları isə son 3 ildə 4 dəfə azalaraq 1,4 mlrd. dollara geriləyib.
Xatırladaq ki, Bəhreynin gündəlik neft hasilatı 40 min barel olsa da, adambaşına düşən neftin həcminə görə ilk yerlərdən birini tutur.

© Report

© Materiallardan istifadə edərkən hiperlinklə istinad olunmalıdır
+18°C
  • $ USD
    1.7002
  • € EUR
    1.9959
  • ₽ RUB
    0.0287