DÜNYA

Dollara təsir edəcək 2 mühüm faktor
11 OKTYABR
361

Dollara təsir edəcək 2 mühüm faktor

2017-10-11 09:55:00

Fed sədri və vergi islahatı

Mütəxəssislərə görə, ABŞ-ın vergi sistemindəki islahatlar və ABŞ Mərkəzi Bankına seçiləcək yeni “göyərçin” və ya “az şahin” sədr dollarda zəifliyə səbəb ola biləcək 2 əhəmiyyətli faktor olaraq önə çıxır. 

Qeyd edək ki, maliyyə dünyasında, pul siyasətinin sərtləşdirilməsinin, o cümlədən faizlərin artırılmasının tərəfdarı olanlara "Şahin", yumuşaq pul siyasətinin, o cümlədən faizlərin aşağı saxlanılmasının tərəfdarı olanlara isə "Göyərçin" deyilir.

Fins.az Marja-ya istinadən xəbər verir ki, ABŞ Prezidenti Donald Trump-ın namizəd göstərəcəyi yeni Fed sədri və yeni sədrin "aşağı faiz" siyasətinə nə qədər inandığı əhəmiyyətli olacaq.

Hazırkı sədr Janet Yellenin yerinə gəlməsi gözlənilən adlar arasında keçmiş Fed üzvlərindən Kevin Warsh da var. Warsh "şahin" bir siyasət tərəfdarı olaraq tanınır, bu da güclü faiz artımlarının müdafiəçisi ola biləcəyi mənasını verir. Ancaq bəzi treyderlər yeni sədrin aqressiv  bir "şahin" olmayacağını hesab edirlər.

Mütəxəssislər bildirirlər ki, daha "şahin" bir Fed sədri riski ortadan qalxınca və Avropa Mərkəz Bankının monetar təşviqi azaltma zamanın dəqiqləşməsindən sonra dollardakı zəiflik davam edəcək. Avropa Mərkəzi Bankının pul siyasətini sərtləşdirməsi siyasətii nəticəsində dolların avro qarşısında dəyərdən düşəcəyi bildirilir. Qeyd edək ki, Avropa Mərkəzi Bank yumuşaq pul siyasətini sərtləşdirməyə, o cümlədən qiymətli kağızların alışını nəzərdə tutan monetar təşviqi azaltmağa başlamağa hazırlaşır.

VERGİ İSLAHATI

ABŞ Prezidenti Donald Trump yeni vergi islahatı təklifinin ana xəttlərini Sentyabr ayında açıqlamışdı. Yeni vergi islahatına görə, şirkətlər üçün 35% olan vergi 20%-ə endiriləcək.

Vergi endirimlərinin orta müddətdə  büdcə kəsirinə səbəb olacağı üçün dollarda çox bahalaşma gözlənmir.  Mütəxəssislər "Vergi dərəcəsində azalma şirkətlərin sərmayələrini dəstəkləyəcək, şirkətlər maaşları artırmaq yerinə maşın və avadanlıqlara sərmayə qoyacaqlar. Bu vəziyyət də inflyasiyadakı son yüksəlişi dayandıracaq və Fed-in faizin artırması planına da təsir edəcək" , - deyə bildirirlər. Maşşaların artırlmaması, istehlakın artmayacağı və inflyasiyanın yüksəlməyəcəyi deməkdir. İnflyasiya aşağı qaldıqca, mərkəzi banklar faiz artırmağa tələsmirlər.

ABŞ dolları mühüm pul vahidlərindən ibarət "səbət" qarşısında ilin əvvəlindən bəri 9% düşüb.

© Materiallardan istifadə edərkən hiperlinklə istinad olunmalıdır
+7°C
  • $ USD
    1.7001
  • € EUR
    2.0152
  • ₽ RUB
    0.0291