DÜNYA

Dünyanın gözü FED-də olacaq – HESABATI AÇIQLAYIR
10 İYUL
763

Dünyanın gözü FED-də olacaq – HESABATI AÇIQLAYIR

2017-07-10 09:28:00

Bazarların gözü Yellendə olacaq.

ABŞ-da İyun ayı kənd təsərrüfatı xaric məşğulluq göstəricisindən sonra gələn həftə Fed sədri Janet Yellenin çıxışı bazarlar tərəfindən maraqla gözlənilir.

Fins.az xəbər verir ki, Yellen Çərşənbə və Cümə axşamı günləri Nümayəndələr Palatasında yarımillik hesabat verəcək. Fed sədrinin məşğulluq göstəricisi və pul siyasətinə dair mesajları əhəmiyyətli olacaqdır.

ABŞ-da Cümə günü açıqlanan məlumata görə, kənd təsərrüfatı xaric məşğulluq İyunda 222 min ilə proqnozdan çox artmışdır. Lakin, Fed-in inflyasiya baxımından diqqətlə izlədiyi orta saatlıq maaşlar iyunda 0.3% artım gözləntisinə qarşı 0.2% yüksəlmiş, illik maaş artımı isə 2.5%-də sabit qalmışdır.

Mütəxəssislər aşağı çıxan orta saatlıq maaşlar rəqəminə baxmayaraq Fed-in siyasətində dəyişiklik olmayacağını və ilin sonuna qədər daha bir dəfə faiz artıracağını nəzərdə tuturlar.

Gələn həftə digər Fed rəsmilərinin də çıxışları gözlənilir. Bazar ertəsi günü San-Fransisko Fed sədri John Williams, Çərşənbə Axşamı günü Fed-İn İdarə Heyətinin üzvü Lael Brainard və Minneapolis Fed sədri Neel Kashkari, Çərşənbə günü Kanzas Siti Fed sədri Esther George, cümə axşamı Çikaqo Fed sədri Charles Evans, Cümə günü isə Dallas Fed sədri Robert Kaplan danışacaq.

Bunlarla yanaşı Fed-in Bej Kitab hesabatı, inflyasiya və pərakəndə satış məlumatları açıqlanacaq.

© Marja

© Materiallardan istifadə edərkən hiperlinklə istinad olunmalıdır
+22°C
  • $ USD
    1.7007
  • € EUR
    2.0421
  • ₽ RUB
    0.0293