DÜNYA

Yerlilərinin hər birinə iki milyon bağışladı
25 NOYABR
1511

Yerlilərinin hər birinə iki milyon bağışladı

2016-11-25 11:28:00

Dünyanın ən böyük pivə istehsalçılarından biri sayılan "Grupo Modelo" konserninin banisi və sahibi Antonio Fernandes 67 il əvvəl tərk etdiyi doğulduğu kəndin sakinlərinə 209 milyon dolları vəsiyyət edib.

Fins.az bildirir ki, milyarder Antonio Fernandes 1917-ci ildə İspaniyanın şimalındakı Seresales del Kondado kəndində doğulub, sonradan Meksikaya mühacirət edib.

A.Fernandes 13 uşağın böyüdüyü ailədə 11-ci övlad idi. Ailə həddən artıq yoxsul yaşadığından Antonio məktəbi atmalı olmuşdu.

Antonio Fernandesin 32 yaşı olanda o, ailəsi və qohumları ilə birlikdə Meksikaya yollanıb.

Meksikada "Grupo Modelo" konserini yaradan A.Fernandes dünyaya "Corona" pivə brendini tanıdıb.

O, 2016-cı ilin avqustunda, 98 yaşında vəfat edib. Milyarderin vəsiyyətinə görə, 209 milyon dollar onun doğma kəndirnin sakinləri arasında bölüşdürüləcək. Beləliklə, 80 sakini olan kiçik kənddə hər kəsə təqribən 2 milyon dollar çatacaq.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8297
  • ₽ RUB
    0.0270