DÜNYA

İngiltərə ilk plastik pul əskinasını dövriyyəyə buraxıb
14 SENTYABR
530

İngiltərə ilk plastik pul əskinasını dövriyyəyə buraxıb

2016-09-14 12:54:00

Fins.az “BBC News”-a istinadən xəbər verir ki, sentyabrın 13-dən İngiltərə Bankı üzərində ölkənin keçmiş Baş naziri Uinston Çörçill əks olunmuş 5 funt dəyərində ilk plastik pul əskinasını dövriyyəyə buraxıb.

İlkin olaraq yeni əskinas cəmi bir neçə bank və bankomatlarda olacaq. Yeni plastik 5 funtu ilk London, Mançestr, Birminqem, Lids, Kinqston-apon-Hall və Kardiff sakinləri görəcək.

İngiltərə Bankının rəhbəri Mark Karninin sözlərinə görə artıq vətəndaşlar əskinası ciblərinə və ya pul qabılarına qoyanda o, praktiki xarab olmayacaq. Mütəxəssislər hesab edirlər ki, yeni plastik əskinas, adi kağız puldan daha çox müddət (5 il) xidmət edəcək.

Ölkə hökuməti yaxın illərdə üzərində yazıçı Ceyn Ostin əks olunmuş yeni 10 funtluq və rəssam Uilyam Törner əks olunmuş 20 funtluq plastik əskinasları dövriyyəyə buraxacaq.

Mənbə: lenta.ru

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7369
  • € EUR
    1.8716
  • ₽ RUB
    0.0274