DÜNYA

Hitlerin “Qızıl qatarı”nın axtarışına yenidən start verildi
15 AVQUST
373

Hitlerin “Qızıl qatarı”nın axtarışına yenidən start verildi

2016-08-15 09:59:00

Cümə günü, avqustun 12-də Almaniya və Polşa arxeoloqları vaxtilə nasistlərin qarət etdiyi qızılın ola biləcəyi zirehli qatarın axtarışının yeni mərhələsini başlayıblar. Fns.az Azərtac-a istinadən xəbər verir ki, Qazıntı işləri Aşağı Sileziyada, Polşanın Vroslav və Valbjix şəhərləri arasındakı dəmir yolu sahəsində başlanacaq. Çoxsaylı yeraltı tunellərdən birinin həmin ərazidə olması güman edilir. Qazıntı işlərini fərdi sponsorlar maliyyələşdirirlər. Polşanın hakimiyyət orqanları bu axtarışlara qoşulmaqdan imtina ediblər. Axtarış komandasının nümayəndəsi Andjey Qaik deyib: “Qatarın axtarışı ot tayasında iynə axtarmağa bərabər deyil. Əgər qatar oradadırsa, biz onu tapacağıq. Biz tuneli tapsaq, bu artıq uğur demək olacaq. Qatar isə çox ehtimal ki, tuneldə gizlədilib”.

2015-ci ilin avqust ayında geoloji radarların köməyi ilə sensasiyalı bir kəşf edilib. Polşanın mədəniyyət və milli irs nazirinin müavini Pyotr Juxovski o vaxt 99 faiz əminliklə demişdi ki, İkinci Dünya müharibəsi dövrünə aid dəmir yol qatarı həqiqətən yeraltı tunellərin birində qeydiyyata alınıb. Bu xəbərlər Aşağı Sileziyada əsl “qızıl həyəcanı”na səbəb olub.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7430
  • € EUR
    1.8487
  • ₽ RUB
    0.0275