DÜNYA

Amerika prezidenti nə qədər qazanır? - VERGİ BƏYANNAMƏSİ AÇIQLADI
16 APREL
625

Amerika prezidenti nə qədər qazanır? - VERGİ BƏYANNAMƏSİ AÇIQLADI

2016-04-16 10:43:00

ABŞ prezidenti Barak Obama və onun xanımı Mişel Obama 2015-ci il üçün vergi bəyannaməsini açıqlayıb. Fins.az xəbər verir ki, bəyannaməyə əsasən, ötən il onlar 436 065 dollar qazanıb və 81 min dollar məbləğində vergi ödəyiblər. 

Məlumata görə, bu onların son dörd il ərzində əldə etdikləri ən az gəlirdir. Bu hal ABŞ prezidentinin yazdığı kitabların satışının azalması ilə bağlıdır. 

Barak Obamanın xanımı Mişel il ərzində gəlir əldə etməyib və vergi sənədlərində "birinci xanım" vəzifəsində işlədiyini qeyd edib. 

Öz gəlirlərindən 64 min dollar məbləğində vəsaiti Barak və Mişel Obama xeyriyyə məqsədləri üçün xərcləyiblər.

ABŞ qanunlarına görə, prezident öz vergi bəyannəməsini açıqlamağa məcbur deyil, lakin Ağ Evin bütün başçıları, eləcə də prezident postuna namizədlər ənənəvi olaraq bunu edir.

Mənbə: "Report"

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8516
  • ₽ RUB
    0.0272