BÜDCƏ

"Dövlət rüsumlarına yenidən baxılsın, bir qədər artıqdır" – TƏKLİF
17 MAY
218

"Dövlət rüsumlarına yenidən baxılsın, bir qədər artıqdır" – TƏKLİF

2019-05-17 13:38:00

“Dövlət rüsumlarına yenidən baxmaq lazımdır. Rüsumlar, bir müddət öncə qəbul edilmiş qaydalar əsasında tətbiq olunur və bir qədər artıqdır”.

Fins.az xəbər verir ki, bunu Milli Məclisin bu gün keçirilən plenar iclasında Hüquq siyasəti və dövlət quruculuğu komitəsinin üzvü Çingiz Qənizadə bildirib. 

Onun sözlərinə görə, rüsumlarla bağlı narazılıqlar var.

“İcarə müqaviləsi ilə bağlı dövlət rüsumu 92 manat təşkil edır. Bir vətəndaş hansısa bir balaca yeri icarəyə verir, sonra növbəti icarəçi gəlir və o, hər dəfə 92 manat ödəyir. Bundan başqa icarə müqaviləsinə əsasən ödəmə mənbəyində 14 faiz dərəcə ilə vergi tutulur. Bir icarə müqaviləsini hər ay kimsə yeniləsə 100-120 manat xərci var. İcarə müqaviləsi pozulduqda da tərəf yenidən 23 manat rüsum ödəyir. Bu, başadüşülən deyil. Gələcəkdə buna baxmaq lazımdır”, - Ç.Qənizadə bildirib.

© Finans.az

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.8876
  • ₽ RUB
    0.0257