BÜDCƏ

Gömrük Komitəsi onlayn ticarət portalları ilə xaricdən sifariş edilən mallarla bağlı ittihamlara cavab verib
07 İYUL
561

Gömrük Komitəsi onlayn ticarət portalları ilə xaricdən sifariş edilən mallarla bağlı ittihamlara cavab verib

2018-07-07 21:32:00
Gömrük vergi və rüsumlar vaxtında və düzgün ödənilməlidir

Dövlət Gömrük Komitəsi son dövrlərdə bir sıra kütləvi informasiya vasitələrində və sosial şəbəkələrdə ölkəmizin gömrük orqanları və onun ayrı-ayrı əməkdaşlarına qarşı irəli sürülən  ittihamlara münasibət bildirib.

Dövlət Gömrük KomitəsiMətbuat Xidmətindən "APA-Economics"ə bildirilib ki, son dövrlərdə bir sıra kütləvi informasiya vasitələrində və sosial şəbəkələrdə ölkəmizin gömrük orqanları və onun ayrı-ayrı əməkdaşlarına qarşı, onlayn ticarət portalları vasitəsilə xaricdən sifariş edilən və poçt göndərişləri vasitəsilə ölkəyə gətirilən mallarla bağlı əsassız ittihamlar irəli sürülür.

"Belə ki, gömrük orqanlarının həmin mallara görə guya hansısa əlavə ödəmələr tələb etdiyi, sifariş edilən bağlamaların sahiblərinə gec təhvil verildiyi və ya təhvil verilmədiyi iddia olunur.

Dövlət Gömrük Komitəsi dəfələrlə rəsmi açıqlamalar verərək xaricdən sifariş edilən malların tərkibinin, gömrük dəyərinin düzgün göstərilməməsinin, asan yolla qazanc əldə etmək istəyən şəxslərin dövlət büdcəsinə çatacaq vergi və rüsumlardan yayınmasının qarşısının alınması məqsədilə aparılan araşdırmaların poçt göndərişləri ilə gətirilən malların vaxtında ünvanına çatdırılmasında problemlər yaratdığını bildirib.

Lakin görünür, gömrük orqanlarının ticarətin qanuni yollarla həyata keçirilməsi ilə bağlı atdığı addımlar kimlərinsə mənafeyinə uyğun gəlmədiyindən əsassız ittihamlar hələlik səngimir.

Bugünlərdə "Facebook" sosial şəbəkəsində İsa Turan adı ilə qeydiyyatdan keçən şəxsin xaricdən sifariş etdiyi mobil telefonu satdığına dair elan verməsi gömrük orqanlarının haqlı olduğunu bir daha sübut edir. "İsti-isti təndirdən çıxdı, kim istəyir" başlıqlı statusda həmin şəxs "Xiaomi" markalı telefonu satdığını bildirir və statusa poçt bağlamasına aid qablaşdırmanın fotosunun əlavə olunması telefonun xaricdən sifariş edildiyini açıq-aydın sübut edir və bu cür elanlara sosial şəbəkələrdə tez-tez rast gəlmək olur", - deyə məlumatda vurğulanıb.

Dövlət Gömrük Komitəsi bir daha bəyan edib ki, dövlət büdcəsinə çatacaq gömrük vergi və rüsumlar  vaxtında və düzgün ödənilməlidir.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9801
  • ₽ RUB
    0.0270