BÜDCƏ

Dövlət büdcəsinin artırılması hesabına əlavə vəsait ayrılacaq – DÖVLƏT QRUMLARI
22 İYUN
139

Dövlət büdcəsinin artırılması hesabına əlavə vəsait ayrılacaq – DÖVLƏT QRUMLARI

2018-06-22 11:45:00

"Şərq-Qərb dəmir yolu dəhlizinin yenidən qurulması üçün "Azərbaycan Dəmir Yolları" QSC-yə 100 mln. manat ayrılması nəzərdə tutulur. 

Fins.az xəbər verir ki, bunu maliyyə naziri Samir Şərifov Milli Məclisin İqtisadi siyasət, sənaye və sahibkarlıq komitəsinin iclasında deyib. 

Xatırladaq ki, bu gün komitədə "2018-ci il dövlət büdcəsi haqqında qanun"a dəyişikliklərlə bağlı qanun layihəsi müzakirə olunur. 

Bundan başqa, nazirin sözlərinə görə, kənd təsərrüfatına dövlət qayğısının artırılması məqsədi ilə Kənd Təsərrüfatı Nazirliyinə 98 mln. manat, təbii fəlakətlərin nəticələrinin daha çevik aradan qaldırılması üçün Fövqəladə Hallar Nazirliyinə 20 mln. manat, turizmin inkişafı üçün Dövlət Turizm Agentliyinə 20 mln. manat, Bakı şəhərinin arxitekturası ilə bağlı yeni layihələrin icrasına üçün isə Dövlət Şəhərsalma və Arxitektura Komitəsinə 9 mln. manat ayrılması nəzərdə tutulur. 

Bundan başqa, "Ümid", "Babək", "Qarabağ" yataqlarının işlənməsinə 663 mln. manat ayrılması planlaşdırılır. 

© Report

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9874
  • ₽ RUB
    0.0272