BÜDCƏ

Vergi orqanları işçilərinin yeni aylıq vəzifə maaşları təsdiqlənib
03 APREL
1839

Vergi orqanları işçilərinin yeni aylıq vəzifə maaşları təsdiqlənib

2018-04-03 15:19:00

Vergi orqanları işçilərinin yeni aylıq vəzifə maaşları təsdiqlənib.

Fins.az-ın məlumatına görə, Nazirlər Kabineti Azərbaycan prezidenti İlham Əliyevin “Dövlət qulluqçularının aylıq vəzifə maaşının müəyyən edilməsi haqqında” 13 mart 2018-ci il tarixli sərəncamının icrası məqsədi ilə belə bir qərar qəbul edib.

Sərəncama əsasən dövlət qulluqçularının aylıq vəzifə maaşları 2018-ci il martın 1-dən orta hesabla 10 faiz artırılıb. Nazirlər Kabinetibununla bağlı “Azərbaycan Respublikasının vergi orqanları işçilərinin aylıq vəzifə maaşları” və “Azərbaycan Respublikasının vergi orqanları işçilərinin aylıq vəzifə maaşları haqqında” ” qərarında müvafiq dəyişiklik edib. Beləliklə, qərara əsasən Vergilər Nazirliyinin Aparat rəhbərinin maaşı 010 manatdan 1111  manata, Aparat rəhbərinin maaşı maaşı 940 manatdan 1034  manata, departamentin baş direktoru, təminedici idarənin və şöbənin (mərkəzin) direktorunun maaşları 890 manatdan 979 manata, departamentin baş direktorunun, təminedici idarənin və şöbənin (mərkəzin) direktorunun birinci müavininin maaşı 770 manatda 847 manata, departamentin baş direktorunun, təminedici idarənin və şöbənin (mərkəzin) direktorunun müavini, yardımçı idarənin və şöbənin (mərkəzin) direktorunun maaşı 760 manatdan 836 manata, departamentin, təminedici idarənin tərkibində olan idarənin direktoru, şöbənin rəhbərinin maaşı 750 manatdan 825 manata qaldırılıb. Eyni zamanda nazirin müşaviri, nazirin köməkçisinin maaşı 730 manatdan 803 manata, departamentin, təminedici idarənin tərkibində olan idarənin direktorunun və şöbənin rəhbərinin müavini, yardımçı idarə və şöbənin (mərkəzin) direktorunun müavininin maaşı 710 manatdan 781 manata, baş mühasib, bölmə direktoru (rəhbəri), yardımçı idarənin tərkibində olan şöbənin rəhbəri, departamentin tərkibində olan idarənin tərkibindəki şöbənin rəhbərinin maaşı 620 manatdan 682 manata, baş dövlət vergi müfəttişi, baş mütəxəssis, baş təhqiqatçı, baş əməliyyat müvəkkili, baş iqtisadçı, baş hüquqşünas, mətbuat katibinin maaşı 540 manatdan 594 manata,  böyük dövlət vergi müfəttişi, böyük mütəxəssis, böyük təhqiqatçı, böyük əməliyyat müvəkkili, böyük hüquqşünas, böyük mühasib, böyük iqtisadçının maaşı   530 manatdan 583 manata, aparıcı mütəxəssis və aparıcı iqtisadçının maaşı 520 manatdan 572 manata, dövlət vergi müfəttişi, mütəxəssis, mexanik, təhqiqatçı, əməliyyat müvəkkili, iqtisadçı, hüquqşünas və mühasibin maaşı 510 manatdan 561 manata qaldırılıb.

Bu qərar 2018-ci il martın 1-dən qüvvəyə minib.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9314
  • ₽ RUB
    0.0256