BÜDCƏ

“InvestAZ”dan dünya maliyyə bazarları ilə bağlı həftəlik analiz
25 İYUL
203

“InvestAZ”dan dünya maliyyə bazarları ilə bağlı həftəlik analiz

2016-07-25 16:43:00

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Avronun dünya birjalarında qiyməti proqnozlaşdırıldığı kimi ucuzlaşmaqda davam edir. InvestAZ analitiklərinin fikrincə, artıq 1.0955$-a kimi ucuzlaşan avronun qiyməti əlavə olaraq 1.0867 və 1.0766$-a kimi ucuzlaşa bilər. Eyni zamanda, bu həftənin cümə günü Avrozona iqtisadiyyatı ilə bağlı önəmli göstəricilərin yayımlanması gözlənilir.

GBP

Böyük Britaniya funt sterlinqi 1.35$-a kimi sürətlə bahalaşdıqdan sonra yenidən ucuzlaşmağa başlayıb. GBP/USD valyuta cütlüyünün texniki mənzərəsini təhlil edən analitiklər hal-hazırda 1.31$ ətrafında təklif edilən cütlük üzrə qiymətin bir müddət

1.28$ və 1.35$-ın aralığında ticarət ediləcəyini proqnozlaşdırırlar.

TRY

Türkiyədə siyasi hadisələr fonunda USD/TRY valyuta cütlüyünün sürətlə 3.09 TL-ə kimi bahalaşdığının (Türk lirəsinin ucuzlaşmasının) şahidi oluruq. InvestAZ analitikləri cütlük üzrə qiymətin sürətli bahalaşmasını nəzərə alaraq, gələcək günlər ərzində yenidən ucuzlaşa biləcəyini gözləyirlər. Eniş trendi üzrə ilkin hədəflər isə 3.02 TL və 3.00 TL-dir.

OIL

Enerji bazarlarında son günlər neft üzrə qiymətlərin ucuzlaşdığı müşahidə edilsə də, bu, müvəqqəti xarakter daşıyır. Əmtəə bazarları üzrə InvestAZ şirkətinin analitikləri Avropanın Brent markalı neftin bir barel qiymətinin yenidən 51$ və 53$-a kimi bahalaşa biləcəyini bildirirlər.

GOLD

Digər əmtəə bazarlarında isə qızılın bir unsiya qiyməti keçən həftə proqnozlaşdırılıdığı kimi ucuzlaşmaqda davam edir və gələcək günlər ərzində əlavə olaraq, qiymətin 1305$-a kimi də ucuzlaşa biləcəyi proqnozlaşdırılır. Hətta qiymətlərin 1235$-a kimi də ucuzlaşa biləcəyi gözlənilir.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz. 

“İnvest-AZ İnvestisiya Şirkəti” QSC-nin

Analitika Departamenti                                                                                                         

“İnvest-AZ İnvestisiya Şirkəti” QSC Azərbaycan Respublikasının İqtisadiyyat və Sənaye Nazirliyinin 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

 

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8516
  • ₽ RUB
    0.0272