BÜDCƏ

Vergilərdən kiçik sahibkarlara tövsiyə
28 APREL
478

Vergilərdən kiçik sahibkarlara tövsiyə

2016-04-28 14:36:00

Azərbaycanda, təsdiq edilmiş yeni meyarlara görə kiçik sahibkarlıq subyektlərinə hesabat ili ərzində təqdim edilmiş malların, görülmüş işlərin və göstərilmiş xidmətlərin dəyəri, eləcə də satışdankənar gəlirləri 120 min manatadək və işçilərin sayı 25 nəfərədək olan sahibkarlıq fəaliyyəti göstərən şəxslər aid edilir.

Vergilər Nazirliyindən bildirilir ki, Azərbaycan Respublikasının Maliyyə Nazirliyinin Kollegiyasının Q-03 nömrəli 03.02.2016-cı il tarixli Qərarı ilə “Kiçik sahibkarlıq subyektlərində sadələşdirilmiş uçotun aparılması Qaydaları” təsdiq edilmişdir.

Həmin Qaydalar Vergilər Nazirliyinin rəsmi internet səhifəsində yerləşdirilmişdir(http://www.taxes.gov.az/vn/ucotqayda).

Sadələşdirilmiş uçot Azərbaycan Respublikası Nazirlər Kabinetinin 5 iyun 2015-ci il tarixli 215 nömrəli Qərarı ilə təsdiq edilmiş “İri, orta və kiçik sahibkar meyarları”na əsasən kiçik sahibkarlıq subyektləri hesab olunan fiziki və hüquqi şəxslər tərəfindən aparılır.Kiçik sahibkarlıq subyektləri “Kiçik sahibkarlıq subyektlərində sadələşdirilmiş uçotun aparılması Qaydaları”nın 1.3-cü və 1.4-cü bəndlərinə uyğun olaraq sadələşdirilmiş uçotun aparılmasını təmin edirlər və maliyyə hesabatlarını Kommersiya Təşkilatları üçün Milli Mühasibat Uçotu Standartlarına uyğun şəkildə tərtib etmək hüququna malikdirlər.

Belə ki, təsdiq edilmiş meyarlara görə kiçik sahibkarlıq subyektlərinə hesabat ili ərzində təqdim edilmiş malların, görülmüş işlərin və göstərilmiş xidmətlərin dəyəri, eləcə də satışdankənar gəlirləri 120 min manatadək və işçilərin sayı 25 nəfərədək olan sahibkarlıq fəaliyyəti göstərən şəxslər aid edilir.

Sahibkarların kiçik, orta və iri sahibkar kimi müəyyənləşdirilməsi üçün “İşçilərin orta siyahı sayı” və “İllik gəlir” meyarı göstəricilərindən daha yüksək olanı əsas götürülür. Yeni yaradılan sahibkarlıq subyektlərinin kateqoriyasının müəyyənləşdirilməsində isə onların dövlət qeydiyyatına və ya vergi uçotuna alındığı tarixdən 1 il müddətində müəyyən edilmiş işçilərin say göstəricisi əsas götürülür.

Qeyd olunanlar nəzərə alınaraq, Vergilər Nazirliyi işçilərin sayı və ya illik gəlirin məbləği yuxarıda göstərilən meyarlara uyğun olduğu halda, mühasibat uçotunun Kommersiya Təşkilatları üçün Milli Mühasibat Uçotu Standartlarına və ya “Kiçik sahibkarlıq subyektlərində sadələşdirilmiş uçotun aparılması Qaydaları”na əsasən aparılmasının təmin olunmasını tövsiyə edir.

Mənbə: Marja

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7430
  • € EUR
    1.8487
  • ₽ RUB
    0.0275