BİZNES

Mikayıl Cabbarov bu rayonlarda vətəndaşların şikayətlərini dinləyəcək
15 İYUL
139

Mikayıl Cabbarov bu rayonlarda vətəndaşların şikayətlərini dinləyəcək

2019-07-15 16:28:00

Fins.az-ın məlumatına görə, Vergilər naziri Qəbələ rayonunda vətəndaşları qəbul edəcək.Bu məqsədlə Vergilər Nazirliyinin yayımladığı məlumatda bildilrilir ki, Qəbələ, İsmayıllı, Oğuz, Zaqatala, Balakən və Qax rayonları sakinləri Vergilər Naziri tərəfindən qəbul ediləcək. Belə ki, Vergilər naziri Mikayıl Cabbarov 19 iyul 2019-cu il tarixində Qəbələ rayonunda 10 saylı Ərazi Vergilər İdarəsinin inzibati binasında (Ünvan: Qəbələ şəhəri, İ.Qutqaşınlı küç. 27) Qəbələ, İsmayıllı, Oğuz, Zaqatala, Balakən və Qax rayonlarından olan sakinləri qəbul edəcək.

Qəbula gəlmək istəyən vətəndaşlar 15-18 iyul 2019-cu il tarixlərində Qəbələ rayonunda 10 saylı Ərazi Vergilər İdarəsinə, Zaqatala rayonunda 13 saylı Ərazi Vergilər İdarəsinə, habelə İsmayıllı, Balakən və Qax rayonları vergi ödəyicilərinə xidmət mərkəzlərinə müraciət etməklə, eləcə də Vergilər Nazirliyinin 195-1 Çağrı Mərkəzinə zəng etməklə və ya nazirliyin [email protected] elektron poçt ünvanına yazmaqla qeydiyyatdan keçə bilərlər.

Qeydiyyatdan keçmiş vətəndaşlardan xahiş olunur ki, qəbula gələrkən aidiyyəti məsələləri dolğun ifadə edən ərizə ilə müraciət etsinlər.

 Müəllif:Aynur Qəniyeva 

© Materiallardan istifadə edərkən hiperlinklə istinad olunmalıdır