BİZNES

Bakıda İran Ticarət Mərkəzinin açılışı olub
20 APREL
328

Bakıda İran Ticarət Mərkəzinin açılışı olub

2019-04-20 08:32:00

Bakıda İran Ticarət Mərkəzinin açılışı olub. Fins.az xəbər verir ki, tədbirdə Azərbaycan iqtisadiyyat nazirinin müavini Rüfət Məmmədov, İranın sənaye, mədən və ticarət naziri Rza Rəhmani, İranın Azərbaycandakı səfiri Cavad Cavadzadə və digər rəsmilər iştirak ediblər. İran-Azərbaycan Palatasının sədri Hüseyn Pirmüəzzin jurnalistlərə açıqlamasında bildirib ki, Mərkəz Azərbaycanda fəaliyyət göstərmək istəyən iranlı sahibkarların işlərinin koordinasiyasına köməklik göstərəcək. Onun sözlərinə görə, bu Mərkəz iki ölkə arasında ticari əlaqələrin inkişafına müsbət töhfə verəcək: "Mərkəz sahibkarların problemlərinin həllinə dəstək verməyə hazırdır. Biz onları lazımi informasiya ilə təmin edəcəyik". Xatırladaq ki, 2018-ci ildə İranla Azərbaycan arasında ticarət dövriyyəsi 2017-ci illə müqayisədə 74 faiz artıb. Eləcə də bu ilin ilk iki ayı ərzində ötən ilin müvafiq dövrü ilə müqayisədə ticarət dövriyyəsi 4 dəfə yüksəlib.

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.897
  • ₽ RUB
    0.0264