BİZNES

“İxrac strategiyası” mövzusunda seminar
05 MART
143

“İxrac strategiyası” mövzusunda seminar

2019-03-05 15:24:00

Fins.az-ın məlumatına görə, İqtisadi İslahatların Təhlili və Kommunikasiya Mərkəzində “Bir Pəncərə” İxraca Dəstək Mərkəzinin təşkilatçılığı ilə  “İxrac strategiyası” mövzusunda seminar keçiriləcək. Maarifləndirici xarakter daşıyan təlim zamanı xarici ticarətlə məşğul olmaq istəyən sahibkarlara ixrac strategiyasının çərçivələri izah ediləcək. Seminar Azərsun Holdinq İnnovasiya və Marketinq departamentinin rəhbəri Ellada Əliyeva tərəfindən aparılacaq. Təlim zamanı həm də beynəlxalq ticarətin ölkəmiz üçün əhəmiyyəti, ixrac ölkələrində doğru seçim qaydaları, ixraca təsir edən amillər, ixrac strategiyalarının seçimi, ixrac üçün planlaşdırılan məhsulların seçimi zamanı əsas tələblər, markaların standartlara uyğunlaşdırılması, görüntü və qablaşdırma, ixrac zamanı markaların adaptasiyası, təbliğat - təşviqat, marketinq kommunikasiyaları kimi mövzularından geniş danışılacaq. Seminar şirkət rəhbərləri və idarəçiləri üçün nəzərdə tutulub.

Qeyd edək ki, “Bir Pəncərə” İxraca Dəstək Mərkəzi dövlət başçısının “Rəqəmsal Ticarət Qovşağı kimi Azərbaycan Respublikasının mövqeyinin gücləndirilməsi və xarici ticarət əməliyyatlarının genişləndirilməsi ilə bağlı əlavə tədbirlər haqqında” Fərmanına əsasən yaradılıb.

 

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9008
  • ₽ RUB
    0.0262