BİZNES

MDB və Orta Asiya ölkələri toplandı
04 OKTYABR
154

MDB və Orta Asiya ölkələri toplandı

2018-10-04 15:09:00

Bu gün Maliyyə Nazirliyində "Müstəqil Dövlətlər Birliyi (MDB) yanında İcraiyyə Komitəsinin Mühasibat Uçotu üzrə Koordinasiya Şurası"nın XV iclası işə başlayıb.

"Report" nazirliyə istinadən xəbər verir ki, 2i gün davam edəcək iclasda ümumilikdə 8 ölkənin o cümlədən, Azərbaycan, Belarus, Qazaxıstan, Qırğızıstan, Moldova, Rusiya, Tacisiktan, Özbəkistan və MDB yanında İcraiyyə Komitəsinin nümayəndələri iştirak edirlər.

XV iclasın gündəliyinə 2016-2020-ci illəri əhatə edən MDB-nin iqtisadi inkişaf strategiyasının III mərhələsinin həyata keçirilməsi ilə bağlı tədbirlər planının icra vəziyyəti daxildir.

Bundan başqa, Koordinasiya Şurasının üzvləri milli mühasibat uçotu sisteminin inkişafı, o cümlədən təsərrüfat subyektləri tərəfindən beynəlxalq standartların tətbiqi və həmin subyektlərdə uçot siyasətinin formalaşdırılması ilə əlaqədar ölkələrin təcrübələri, habelə auditor fəaliyyətinin tənzimlənməsi ilə bağlı milli sistemlərin inkişafı və Beynəlxalq Audit Standartlarının tətbiqi, habelə auditor xidməti bazarının mövcud vəziyyəti üzrə müzakirələr aparacaqlar.

Xatırladaq ki, MDB İqtisadi Şurasının 25 may 2000-ci il tarixli qərarı ilə təsdiq edilmiş “Müstəqil Dövlətlər Birliyi yanında İcraiyyə Komitəsinin Mühasibat Uçotu üzrə Koordinasiya Şurası haqqında Qaydalar”ın tələblərinə uyğun olaraq adıçəkilən Şuranın əsas məqsədi milli mühasibat uçotu sistemlərinin Maliyyə Hesabatlarının Beynəlxalq Standartlarına uyğunlaşmasına təkan verməklə mühasibat uçotu sahəsində təşkilatların maliyyə hesabatlarının tərtib edilməsi üzrə vahid yanaşmanın təmin edilməsinə müvafiq tövsiyələrin verilməsindən ibarətdir.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9349
  • ₽ RUB
    0.0253