BİZNES

Beynəlxalq ekspert Bakıda “E-ticarət” üzrə master-klas keçəcək
19 SENTYABR
178

Beynəlxalq ekspert Bakıda “E-ticarət” üzrə master-klas keçəcək

2018-09-19 15:52:00

Sentyabrın 24-25-də Nəqliyyat, Rabitə və Yüksək Texnologiyalar Nazirliyinin təşəbbüsü, Avropa İttifaqının və BMT-nin Ticarət və İnkişaf üzrə Konfransının dəstəyi ilə keçirilən Bakı Elektron Ticarət Forumu çərçivəsində tanınmış beynəlxalq ekspertlər tərəfindən “E-ticarət bacarıqlarının inkişaf etdirilməsi” üzrə master-klas təşkil olunacaq.

Fins.az xəbər verir ki, Gənclərin və startapçıların böyük marağına səbəb olacaq seminarın əsas natiqi qismində “Grow Global” kitabının müəllifi kimi məşhurlaşan böyük britaniyalı Sarah Karrol çıxış edəcək.

Bakı Elektron Ticarət Forumu elektron ticarət dünyasının cari il üzrə ən maraqlı beynəlxalq tədbirlərindəndir və bir çox yeniliklərlə yadda qalacaq. İki gün davam edəcək foruma 300-dən artıq yerli və xarici iştirakçının qatılıcağı gözlənilir.

Qeyd edək ki, tədbirdə beynəlxalq təşkilatlar, dövlət qurumları, kiçik və orta sahibkarlar, startaplar, icitmai təşkilatlar və investorlar təmsil olunacaq. Forum iştirakçıları elektron ticarət sahəsində zəngin təcrübəyə malik olan tanınmış spikerləri dinləmək, e-ticarət ilə bağlı təsəvvürü və bilik dairəsini genişləndirmək, habelə praktiki vərdişlərə yiyələnmək imkanı qazanacaq.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9570
  • ₽ RUB
    0.0259