BİZNES

Azərbaycanın xarici ticarət dövriyyəsinin müsbət saldosu 10% artıb
13 APREL
212

Azərbaycanın xarici ticarət dövriyyəsinin müsbət saldosu 10% artıb

2018-04-13 10:02:00

Bu ilin yanvar-mart aylarında Azərbaycan gömrük orqanlarında rəsmiləşdirilməsi başa çatdırılmış ixrac olunan xam neft və təbii qazın dəyərinə dair məlumatlar nəzərə alınmaqla 146 ölkə ilə 5 546 139,38 min ABŞ dolları dəyərində ticarət əməliyyatı həyata keçirib. Fins.az Report-a istinadən xəbər verir ki, bu barədə Dövlət Gömrük Komitəsinə (DGK) istinadən xəbər verir.

OTURDUĞUN YERDƏN HƏDİYYƏ QAZAN!

Məlumata görə, ticarət dövriyyəsinin 60,49%-ni və ya 3 355 033,87 min dollarını ixrac, 39,51%-ni və ya 2 191 105,51 min dollarını idxal əməliyyatları əhatə edib. Beləliklə, 2018-ci ilin ilk rübündə 1 163 928,36 min dollarlıq müsbət xarici ticarət saldosu yaranıb.

Xatırladaq ki, 2017-cı ilin ilk 3 ayında xarici ticarət dövriyyəsi 4 119 079,75 min dollar, o cümlədən ixrac 2 606 306,06 min dollar, idxal 1 512 773,69 min dollar təşkil edib. Ticarət dövriyyəsinin müsbət saldosu 1 093 532,37 min dollar olub.

Nəticədə, 2018-ci ildə xarici ticarət dövriyyəsində 1 427 059,63 min dollarlıq yaxud 34,65%, ixracda 748 727,81 min dollar və ya 28,73%, idxalda 678 331,82 min dollar yaxud 44,84% artım qeydə alınıb. Xarici ticarət dövriyyəsinin müsbət saldosu isə 10% artıb.

I rüb ərzində Azərbaycandan 1 691 çeşiddə mal ixrac olunub, ölkəyə 6 033 çeşiddə mal idxalı reallaşıb.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9947
  • ₽ RUB
    0.0268