BİZNES

ÇAĞRI MƏRKƏZİ VACİBDİR, YOXSA PEŞƏKAR OPERATOR?
13 FEVRAL
169

ÇAĞRI MƏRKƏZİ VACİBDİR, YOXSA PEŞƏKAR OPERATOR?

2018-02-13 10:00:00

Azərbaycanda şirkət və müəssisələr artıqca, sahələr genişləndikcə, göstərilən xidmət səviyyəsinə qarşı tələblər də artır. Aktiv rəqabət aparmaq və müştəri diqqəti və rəğbətinə görə bəhsə girmək üçün hər şeydən öncə keyfiyyət təklif etmək gərəkdir.

Yəqin ki, məhz buna görə şirkətin miqyasından asılı olaraq, hətta 7-10 nəfərlik işçi heyəti olan kiçik şirkət və müəssisələr belə Çağrı Mərkəzini qurmaqda iddialıdır. Bəziləri öz məhsul və xidmətlərini satmaq, bəziləri isə autsors xidmətləri göstərmək üçün belə proqramlara müraciət edirlər.

Nəzərə alsaq ki, buişdə canlı insan faktoru da olduqca önəmlidir, qeyd etmək lazımdır ki, Çağrı Mərkəzlərinin tətbiqində operator olduğu qədər, supervayzerin də olması vacibdir. Çünki hər bir operator komandasının düzgün istiqamətdə yönlənməsi və iş məhsuldarlığının artırılmasında ona proqram istifadəsində bələdçilik edən məhz supervayzerlərdir. Odur ki, tətbiq olunan proqram təminatı supervayzer üçün asan, intuitiv, əlçatan olmalı və operatorların işini tam şəffaf şəkildə nümayiş etdirməlidir.

Hazırda sahibkarlar üçün bir çox beynəlxalq proqram təminatları təklif olunur ki, doğru seçim üçün, əlbəttə kifayət qədər məlumatlı olmaq vacibdir.

Beləliklə, Çağrı Mərkəzi müştəriləri üçün 24/7 əlçatan, bütün istiqamətlər üzrə zəngləri qeydə almalı və telefon danışıqlarını yazmalı, o səs yazılarını arxivləşdirməli, zəng edənin kimliyini (zəng daim qeydə alınmış nömrədən daxil olursa) müəyyən etməli, zənglər və danışıqlar üzrə təhlükəsizliyi tam təmin etməlidir. Eyni zamanda, proqram təminatının bütün bu imkanlarından əlavə, operatorların işinə nəzarət edən supervayzer üçün rahat və səmərəli bir hissə - modul ayrılmalıdır.

Supervayzer modulu necə olmaldır?

İdarəetmə sistemi və ya təminatında menecer və ya supervayzer modulunun mövcudluğu olduqca səmərəlidir. Bu modul həm ilkin tənzimləmə, həm də Çağrı Mərkəzinin cari xidmət səviyyəsinin ölçülməsində ciddi rol oynayır.

Mükəmməl alət müştərilərlə aparılan danışıqlar, görülən bütün işlər, hazırlanan hesabatlar, buraxılan və yarımçıq qalan zənglər üzrə bütün məlumatları toplamalı, administrator, supervayzer və ya menecerə hesabat formasında ötürməlidir.

Qeyd olunan imkanlar kompleksinə bir sistem, proqram təminatı və ya həldə rast gəlmisinizmi?

Çağrı mərkəzlərini intellektual idarə edə biləcək, eyni zamanda həm operator, həm də menecer/supervayzer üçün eyni dərəcədə rahat və səmərəli olacaq proqram PRONET Prospect ERP şirkətinin təqdim etdiyi İntellektual Telefoniya Sistemi olan ProCALL həllidir.

ProCall həllinin Supervayzer modulu telefoniyanın idarə olunmasını həyata keçirməyə və operatorların işinə bütövlükdə nəzarət etməyə imkan yaradır. Bu modul çərçivəsində supervayzer:

  • qoşmaların kateqoriyalarını əlavə edə, dəyişə və ləğv edə;
  • operatorların statuslarını və öhdəliklərini müəyyən edə (məsələn, bəzilərini daxil olan zənglərin qəbuluna təhkim edə, digərlərinə isə abonentlərə fəal surətdə zənglər etməyi tapşıra);
  • səs yazılarını, arxiv faylları dinləyə;
  • qeyri-iş günlərini və saatlarını təyin etməklə iş qrafikini tənzimləyə;
  • qara siyahı (Black list) yaradaraq, arzuolunmaz telefon nömrələrini ora əlavə edə bilər.

Proqramın bu və ya digər imkanları - bank, taksi, İnternet-mağaza, autsorsinq çağrı mərkəzi, tədarük xidməti və ya bələdiyyə xidməti olmasından asılı olmayaraq, istənilən şirkətin və təşkilatın tələbatlarına asanlıqla uyğunlaşır. Zəruri hallarda o, CRM və ERP sistemlərinə, eləcə də xidmətin idarə olunması və texniki dəstək sistemlərinə inteqrasiya edir.

Qeyd edilən üstünlükləri ilə ProCALL həlli artıq AR Səhiyyə Nazirliyi, AR Mədəniyyət və Turizm Nazirliyi, Azərenerji, 103 TTYS, OMG Holdinq, Bank of Baku, Access Bank, ABC Telecom  s. kimi bir çox tanınmış dövlət və özəl qurumları tərəfindən yüksək qiymətləndirilərək istifadə edilməkdədir.


İllərin təcrübəsinə söykənən fəaliyyəti əməkdaşlıq etdiyi müəssisələr tərəfindən dəstəklənən PRONET Prospect ERP şirkətinin Azərbaycanda sahibkarlığın inkişafına verdiyi töhvələri İntellektual Telefoniya Sistemi olan ProCALL həlli ilə bitmir. CRM, Sənəd Dövriyyəsi, müasir sahibkarlığın tələbi olan İmtahan Attestasiya Proseslərinin Avtomatlaşdırılması Sistemi və s. kimi Proqram təminatları AR ETSN, AR Ədliyyə Nazirliyi, RDM, Kapital Bank, Azərtürk Bank, Paşa Sığorta, Hilton Otel, Veysəloğlu Holdinq və başqa böyük holdinq və müəssisələrdə ekskluziv biznesin idarəetməsində istifadə olunur.

PRONET Prospect ERP şirkətinin təqdim etdiyi digər həllərdən yararlanmaq üçün www.prospect.az saytına və ya +99412 310 21 21/+99477 277 24 77 nömrələrinə müraciət edə bilərsiniz.

 

© Materiallardan istifadə edərkən hiperlinklə istinad olunmalıdır
+6°C
  • $ USD
    1.7001
  • € EUR
    2.0949
  • ₽ RUB
    0.0300