BİZNES

2016-cı ilin ən böyük birləşmə və satınalmaları
30 DEKABR 2016
447

2016-cı ilin ən böyük birləşmə və satınalmaları

2016-12-30 10:41:00

Bu il satınalma və birləşmələrdən heç biri rekordu qıracaq qədər böyük miqyaslı olmasa da, əhəmiyyətli markaları əhatə edən və potensial olaraq sənayeni silkələyən müqavilələrə imza atıldığı danılmazdır.

Dealogic-in rəqəmlərinə əsasən 2016-ci ildə birləşmə və satınalmalarda bir müqavilənin orta məbləğinin 104,2 milyon dollar olduğu bildirilir. Bu rəqəm, 115,4 milyon dollar hesablanan 2015-ci ildəki məbləğlə müqayisədə daha aşağıdır, ancaq 77,1 milyon dollarlıq məbləğin hesablandığı 2000-2014 dövrünə görə daha yüksəkdir. 

2016-ci ilin ən böyük beş satınalma və birləşməsi:

5. QUALCOMM VƏ NXP SEMICONDUCTORS:  47 MİLYARD $

ABŞ-ın Qualcomm şirkəti Hollandiyanın NXP Semiconductors şirkətini təxminən 47 milyard dollara satın alacağını açıqlayıb. Bu satınalma reallaşarsa, Qualcomm ən böyük yarımkeçirici cihazlar (diod)  istehsalçısı olacaq.

4. ​SUNOCO LOGISTICS VƏ ENERGY TRANSFER PARTNERS: 52 MİLYARD $

Bu, bir növ qrup daxili birləşmə sayılır; Nəticə etibarilə, hər iki şirkət də qaz və boru kəməri şirkəti Energy Transfer Equity-ə aiddir. İki şirkətin birləşməsilə 2019-da illik 200 milyon dollarlıq bir qənaət gözlənilir.

3. ​BRITISH AMERICAN TOBACCO VƏ REYNOLDS AMERICAN: 58 MİLYARD $

British American Tobacco (BAT) oktyabr ayında etdiyi açıqlamada, Reynolds America-ya tam nəzarət  üçün 47 milyard dollar ödəyəcəyini bildirib. BAT onsuz da Reynolds-ın  42%-nə sahib idi. İki şirkətin birləşməsi siqaret istehsalçılarının dünyada bazar payı əldə etmək üçün amansız mübarizə etdikləri bir dövrə təsadüf edir.

2​. BAYER VƏ MONSANTO: 66 MİLYARD $

İlin ən böyük ikinci müqaviləsi Almaniyanın əczaçılıq və kimya nəhəngi Bayer tərəfindən elan edilib; Bayer ABŞ-ın toxum və kənd təsərrüfatı kimyəvi maddələri nəhəngi Monsanto-nu satın alacağını açıqlayıb. Birləşmə nəticəsində yaranan şirkət dünyadakı toxum və kənd təsərrüfatı dərman vasitələrinin dörddə birindən çoxunu əlində saxlamış olacaq. Bayer-Monsanto müqaviləsi hələ də qanuni razılıq prosesindədir.

1. AT&T VƏ TIME WARNER: 85,4 MİLYARD $

Bu iki telekommunikasiya nəhənginin birləşməsi ilin ən çox danışılan satınalma və birləşmə razılaşmalarından biri oldu. İki şirkət kabel TV infrastrukturu, genişzolaqlı internet xidmətləri, peyk TV sistemləri və sellülyar rəqəm şəbəkələri, məlumat və əyləncənin istehlakçılara çatdırılması yolları üzərində bənzərsiz bir nəzarətə malikdirlər.

© Materiallardan istifadə edərkən hiperlinklə istinad olunmalıdır
+33°C
  • $ USD
    1.7017
  • € EUR
    1.9590
  • ₽ RUB
    0.0288