BİZNES

“Sevimli Dad” – BAĞLANDI – RƏSMİ MÜNASİBƏT
24 NOYABR
3900

“Sevimli Dad” – BAĞLANDI – RƏSMİ MÜNASİBƏT

2016-11-24 10:16:00

“Sevimli Dad” MMC müflis olub.
Fins.az-ın verdiyi məlumata görə, mağazalarda firmanın məhsullarının satışı dayanıb.
Şirkətin xeyli sayda işçisi ixtisar olunub və yanvardan müəssisə tamamilə fəaliyyətini dayandıracaq. Buna səbəb iqtisadi böhranın vurduğu maliyyə zərbəsi, alıcılıq qabiliyyətinin aşağı düşməsi və firmanın aylardır ki zərərlə işləməsi olub.
Məlumatda bildirilir ki, artıq mağazalara “Sevimli Dad”ın məhsulları paylanmır. Yanvarda isə işini dayandıracaq müəssisənin fəaliyyətini bərpa edəcəyi görünmür. Nəticədə yüzlərlə insan işsiz, çörəksiz qalıb.
“Sevimli Dad” MMC kolbasa və delikates ət məmulatları istehsal edən “М&T ltd” firması və süd məhsulları istehsal edən “Milk-Pro” MMC tərəfindən yaradılmış və eyni ticarət nişanı altında ət və süd məhsulları realizə edən mağazalar şəbəkəsidir. Şirkət 1 sentyabr 2002-ci il tarixindən fəaliyyət göstərir.

xxx

Sevimli Dad şirkəti bu məsələ ilə bağlı öz rəsmi münasibətini bildirib:

Bu gün mətbuatda Sevimli Dad şirkətinin bağlanması ilə bağlı həqiqəti əks etdirməyən xəbərlər çıxır. Bildirmək istəyirik ki, şirkətimizdə heç bir işçi ixtisarı yoxdur, dükanlarımızın fəaliyyəti və ət məhsullarımızın satışı tam sürətlə davam edir.

Siz sevimli məhsullara bu qədər bağlanmışkən, biz hara bağlanırıq? 

Mənbə: Politika.az

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8297
  • ₽ RUB
    0.0270