BİRJA

ALMANİYA ÜZRƏ İNKİŞAF PROQNOZLARI AŞAĞI SALINDI
11 SENTYABR
60

ALMANİYA ÜZRƏ İNKİŞAF PROQNOZLARI AŞAĞI SALINDI

2019-09-11 14:01:00

Beynəlxalq maliyyə bazarlarında Almaniya iqtisadiyyatına dair mənfi xəbərlər, avronun ucuzlaşmasına səbəb ola bilər.

Dünya iqtisadiyyatı üzrə İnstitut (alm.: "IfW") və "DIW" iqtisadiyyat institutu çərşənbə günü Almaniya iqtisadiyyatında inkişaf üzrə proqnozlarını 2019 üçün azaldıblar. 

"IfW" məlumatına əsasən, Almaniya iqtisadiyyatı cari il ərzində 0.4% böyüyəcək. Bu göstərici 0.6% idi. 2020-ci ildə isə 1.6% yox, 1%-lik artım proqnozlaşdırılır. 

Açıqlamada iqtisadiyyatın üçüncü rübdə 0.3% azalacağı ehtimal edilir. 

"DIW" institutu isə bu il Almaniya iqtisadiyyatında 0.9%-lik yoc, 0.5%-lik artım ehtimal edir. 2020-ci il üzrə proqnozlar da 1.7%-dən 1.4%-ə salınıb. 

Bununla yanaşı, gələn il iqtisadiyyata sazişsiz Breksitin mənfi təsir edə biləcəyi gözlənilir. Bu baş verərsə, 2020-ci ildə iqtisadi inkişaf əlavə olaraq, 0.4% azala bilər. 

© Materiallardan istifadə edərkən hiperlinklə istinad olunmalıdır