BİRJA

Azərbaycanda kriptovalyuta bazarının və blokçeyn texnologiyalarının tədqiqi üzrə mərkəzi yaradılacaq?
16 MART
183

Azərbaycanda kriptovalyuta bazarının və blokçeyn texnologiyalarının tədqiqi üzrə mərkəzi yaradılacaq?

2018-03-16 13:55:00

Azərbaycan İnternet Forumu (AİF) ölkədə kriptovalyuta bazarının və blokçeyn texnologiyalarının tədqiqi və inkişafı üzrə mərkəzin yaradılması təşəbbüsü ilə çıxış edib. Fins.az xəbər verir ki, bunu Trend-ə AİF-in sədri Osman Gündüz deyib.

Onun sözlərinə görə, bu mərkəzə bazarda maraqlı olan iştirakçılar daxil ola bilər:

“Həmin mərkəz müntəzəm olaraq görüşlər təşkil edəcək və kriptovalyuta və blokçeynlə bağlı məsələlərin müzakirəsini təşkil edəcək. Bundan başqa, burada məsləhət xidmətləri bu sahənin hüquqi nizamlanması üzrə təkliflər hazırlanacaq”.

 

AİF sədri həmçinin Azərbaycanda kriptovalyuta bazarının və blokçeyn texnologiyalarının inkişafı üçün vacib olan məqamları qeyd edib:

“Treydinq sahəsində maarifləndirmə işinin aparılması vacibdir, çünki bu sahədə investisiya qoyuluşları risklərlə müşayiət olunur. Bir çoxları bu barədə məlumatsızdır. Digər vacib məqam isə bu sahənin hüquqi nizamlanması, o cümlədən risklərin sığortalanmasıdır”.

O.Gündüz əlavə edib ki, bu sahələrdə müəyyən uğurlar əldə etmiş qonşu ölkələrin təcrübəsini öyrənmək lazımdır:

“Bu gün qonşu ölkələrdə kriptovalyuta bazarı böyük gəlirlər gətirir, bizim bazar haqqında isə bunu demək olmaz. Azərbaycanda dövlət səviyyəsində bu sahədə işçi qrupu yaradılıb. Təəssüf ki, biz bu strukturun nə ilə məşğul olduğunu bilmirik. Fikrimcə, onun fəaliyyəti daha şəfaf olmalı və bu struktura müstəqil ekspertlər daxil edilməlidir”.

© Materiallardan istifadə edərkən hiperlinklə istinad olunmalıdır
+13°C
  • $ USD
    1.7000
  • € EUR
    2.0862
  • ₽ RUB
    0.0278