BANK

“Global Finance” 2-ci ildir Elman Rüstəmovun fəaliyyətini yüksək reytinq ilə qiymətləndirir
14 AVQUST
158

“Global Finance” 2-ci ildir Elman Rüstəmovun fəaliyyətini yüksək reytinq ilə qiymətləndirir

2019-08-14 17:43:00

Xəbər verdiyimiz kimi, “Global Finance” jurnalı Azərbaycan Mərkəzi Bankının sədri Elman Rüstəmovun fəaliyyət reytinqini yenə də yüksək “B” səviyyəsində təsdiq etmişdir. 

İlk növbədə  qısaca qeyd edək ki, Global Finance” jurnalı maliyyə jurnalı 1987-ci ildə təsis edilib. Jurnalın baş idarəsi ABŞ-ın Nyu-York şəhərindədir. Əsas məqsədi korporativ liderləri, bankirləri, eləcə də investorları qlobal iqtisadiyyat və maliyyə sistemindəki gedişatlar barədə məlumatlandır­maq olan aylıq nəşr 188-dən çox ölkədə izlənir. Dərginin 50 mindən çox birbaşa abunəçisi var. 32 illik təcrübəsi olan jurnal “Global Finance Media”, Inc-holdinqə məxsusdur. “Global Finance”-in Nyu-York, London, Milan, Rio-de-Janeyroda ofisləri var.

Jurnalın əsas işlərindən biri müxtəlif nominasiyalarda reytinq siyahıları hazırlayaraq yayımlamaqdır. Bu reytinq siyahılarından biri də hər il dərc olunan Mərkəzi Bank rəhbərlərinin reytinq hesabatıdır (Central Banker Report Cards). Hesabatda reytinqlər “A” dan “F”-ə qədər, yəni 6 kateqoriya üzrə dəyişir və inflyasiyaya nəzarət, iqtisadi artım hədəfləri, milli valyutanın sabitliyi və faiz dərəcəsinin idarə olunması kimi göstəricilərə əsasən təqdim olunur.

Jurnalın hazırladığı Mərkəzi Bank rəhbərlərinin reytinq hesabatında 2014-cü ildən Azərbaycan Respublikası Mərkəzi Bankının sədri Elman Rüstəmovun da adı yer alır və 2-ci ildir ki, yenə də yüksək “B” kateqoriyası ilə qiymətləndirilib. Məlumat üçün qeyd edək ki, 98 ölkənin arasında “B reytinqi”ndə qiymətləndirilmiş məhdud sayda ölkələr sırasında Kanada, Macarıstan, Norveç, İsveç və Çexiya kimi ölkələrin baş bankirləri də var.

Təbii ki, bu qiymət də təsadüfi deyil. Məlum olduğu kimi qeyd olunan göstəricilər üzrə həqiqətən də Azərbaycan iqtisadiyyatında son illər müsbət dinamika dayanıqlı xarakter alıb. Ölkədə bərqərar olmuş makroiqtisadi sabitlik qorunub saxlanılır. Aparılan ardıcıl iqtisadi islahatlar hesabına iqtisadi artım yüksəlməkdə davam edir. Bu artımda əldə olunmuş aşağı səviyyəli inflyasiya mühüm rol oynayır. Ölkənin ixracat potensialı artmaqda davam edir, valyuta ehtiyatları davamlı artır və bunların əsasında milli valyutanın dayanıqlı sabitliyi təmin olunur. Məhz bu göstəricilərin əldə olunmasında Mərkəzi Bankın yeritdiyi pul-məzənnə siyasətinin rolu nəzərə alınmaqla Elman Rüstəmovun yüksək reytinqli qiymətinin yenidən təsdiqlənməsi məntiqi nəticədir.   

 

Hesabatın tam mətni Global Finance’s Central Banker Report Cards 2019

 

© Materiallardan istifadə edərkən hiperlinklə istinad olunmalıdır