BANK

Azərbaycanda banklar niyə Gömrük reyestrindən keçə bilmir ?
30 İYUL
171

Azərbaycanda banklar niyə Gömrük reyestrindən keçə bilmir ?

2019-07-30 12:34:00

Azərbaycanda mövcud bankların xarici ölkələrlə və beynəlxalq bank sistemi ilə qarşılıqlı əlaqələrinin hansı səviyyədə olması təbii ki,müştəriləri maraqlandırır. Bankların xarici ölkələrdə əməliyyatlar həyata keçirə bilməsi üçün Dövlət  Gömrük Komitəsinin reyestrindən keçməlidir.  Azərbaycanda fəaliyyət göstərən 30 bankdan cəmi 12-si Dövlət Gömrük Komitəsinin reyestrindən keçib. Bəs Gömrük Komitəsinin reyestrindən keçən bankların hansı üstünlükləri  var ?

Bu barədə fins.az-a açıqlama verən Azərbaycan Banklar Assosiasiyasının eksperti Elman Sadıqov  bildirib ki, “Bank və Gömrük orqanları arasında münasibət 2 əsas istiqamət üzrədir. Birinci idxal-ixrac əməliyyatlarına nəzarət və icrası,ikinci zəmanət məktubları. Müvəkkil kredit təşkilatları məsələsi əsasən ikinci məsələ üzrədir. Konsiqnasiya əməliyyatları –ixrac əməliyyatları hər hansı mal ixrac olunduqdan sonra 180 gün ərzində pul geri ödənilməlidir.Hər hansı bank gömrük reyestirində müvəkkil bank kimi qeydiyyatdan keçir. Vahid Avtomatlaşdırılmış İdarəetmə Sisteminə həm Gömrük Komitəsi həm də Maliyyə Bazarlarına Nəzarət Palatası nəzarət edir. Bu sistem malı göndərib ödənişini almayan müştərilərin qeydiyyatını aparmaq üçün nəzərdə tutulub. Yəni ən azından ölkədən çıxan malın qarşılığında pul gəlməlidir. Bununla yanaşı zəmanət məktubları ilə bağlı reyesterdən keçmək müəyyən üstüntünlük hesab olunur. Gömrük Komitəsinin özünün keçirdiyi tenderlərdə iştirak etmək istəyən sahibkarlıq subyektlərindən yalnız müvəkkil bankların verdiyi zəmanət məktubları qəbul edilir. Hər hansı  bank müştərisinə  1 -2 milyon manatlıq zəmanət verir amma həmin bankın bu məbləğə vermək üçün gücü çatmaya bilər.Yəni bankın maliyyə imkanları həmin zəmanət məktubunun icrasına imkan vermir. Buna görə də  Gömrük Komitəsi müvəkkil bank seçərkən əsasən nəzarət edir ki, bankın maliyyə imkanları müştəri adından üzərinə götürdüyü öhtəlikləri yerinə yetirməyə imkan versin. Gömrük reyesterindən keçməyən bankların müştəriləri xarici ölkələrdə yalnız konsiqnasiya əməliyyatları həyata keçirə bilir.Hər hası bankın  Gömrük reyesterindən keçib-keçməməyinə baxmayaraq aparılan konsiqnasiya əməliyyatlarına  Maliyyə Bazarlarına Nəzarət Palatası  Vahid Avtomatlaşdırılmış İdarəetmə Sistemi vasitəsi ilə nəzarət edir. Əvvəllər bu sahədə bir sıra problemlər var idi. Bu problemlər Vahid Avtomatlaşdırılmış İdarəetmə Sistemi yaradıldıqdan sonra həll olunub”. Qeyd edək ki, Azərbaycan Respublikası Nazirlər Kabinetinin 2012-ci il 1 mart tarixli 48 nömrəli Qərarı ilə təsdiq edilmiş "Azərbaycan Respublikası Dövlət Gömrük Komitəsinin apardığı reyestrə daxil olmaq üçün banklar və bank olmayan kredit təşkilatlarının müraciətlərinə baxılması Qaydası"na əsasən Azərbaycan Respublikası Dövlət Gömrük Komitəsinin apardığı reyestrə daxil edilmiş kredit təşkilatlarının siyahısı aşağıdakı kimidir. 

 

Sıra №-si
Kredit təşkilatının adı
VÖEN
Kredit təşkilatının ünvanı
Bir qarantiya məbləğinin maksimal həddi (ABŞ dollarına ekvivalent məbləğ ilə)
Eyni zamanda verilən qarantiya məbləğlərinin yekun maksimal həddi (ABŞ dollarına ekvivalent məbləğ ilə)
1 ASC "Xalq" Bankı 2000296061 Bakı şəh.İnşaatçılar prospekti 22 L 1,0 milyon 2,0 milyon
2 "Kapital Bank"ASC 9900003611 Bakı şəhəri, Füzuli küçəsi 71 1,0 milyon 2,0 milyon
3 "Azərbaycan Beynəlxalq Bankı" ASC 9900001881 Bakı şəh.Nizami küçəsi 67 1,0 milyon 2,0 milyon
4 "PAŞA Bank" ASC 1700767721 Bakı şəh.Y.Məmmədəliyev 13 1,0 milyon 2,0 milyon
5 "Azər Türk Bank" ASC 9900006111 Bakı şəhəri, C. Məmmədquluzadə küç.85; 192/193 250,0 min 500,0 min
6 "Yapı Kredi Bank Azərbaycan" QSC 9900009021 Bakı şəhəri, C. Məmmədquluzadə küç.73G 250,0 min 500,0 min
7 «Bank Avrasiya» ASC 1700792251 Bakı şəhəri, Nizami küçəsi, 112B 250,0 min 500,0 min
8 Bank "BTB" ASC 1302164881 Bakı şəhəri, Yusif Səfərov küçəsi 27 250, min 500,0 min
9 "Premium Bank" ASC 9900006241 Bakı şəhəri, Həsən Əliyev küçəsi 131 A 1,0 milyon 2,0 milyon
10 "UNİBANK" KOMMERSIYA BANKI" Açıq Səhmdar Cəmiyyəti 9900006241 Bakı şəhəri, Nəsimi rayonu, 384-cü məhəllə, Rəşid Behbudov küçəsi 55 1,0 milyon 2,0 milyon

11 Rabitəbank ASC
9900001061 Bakı şəhəri, Nəsimi rayonu, 
28 May küçəsi 33
1,0 milyon 2,0 milyon
12 Bank Respublika
9900001901 Bakı şəhəri, Nəsimi rayonu, 
Xəqani küçəsi 21
1,0 milyon 2,0 milyon

Müəllif:Aynur Qəniyeva 

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.8876
  • ₽ RUB
    0.0257