BANK

Elman Rüstəmov Beynəlxalq Valyuta Fondunun yeni missiya rəhbəri ilə görüşüb
11 APREL
315

Elman Rüstəmov Beynəlxalq Valyuta Fondunun yeni missiya rəhbəri ilə görüşüb

2019-04-11 11:45:00

Azərbaycanda səfərdə olan Beynəlxalq Valyuta Fondunun (BVF) Azərbaycan üzrə missiyasının sabiq rəhbəri cənab Məhəmməd əl-Qorçi və missiyanın yeni rəhbəri xanım Natalia Tamirisa ilə Mərkəzi Bankın sədri Elman Rüstəmov arasında görüş keçirilb. Fins.az Mərkəzi Banka istinadən xəbər verir ki, görüşdə cənab Məhəmməd əl-Qorçi onun ölkəmiz üzrə missiya rəhbəri vəzifəsində çalışdığı zaman BVF-in Azərbaycanda görülmuş işləri barədə məlumat verib. Sonra da BVF-nin Azərbaycan üzrə yeni missiya rəhbərini təqdim etdi və onun Fondun fəaliyyətinin müxtəlif istiqamətlərində geniş tərcübəsini xüsusi vurğulayıb.

Öz növbəsində sədr E.Rüstəmov cənab Prezidentin apardığı uğurlu siyasət nəticəsində ölkədə əldə olunmuş sürətli sosial-iqtisadi inkişaf, bərqərar olmuş ictimai-siyasi sabitlik sayəsində Azərbaycanın beynəlxalq aləmdə nüfuzu və beynəlxalq əməkdaşlıq üçün cəlbediciliyinin daim artdığını və belə əməkdaşlığın mühüm istiqamətlərindən birini nüfuzlu beynəlxalq maliyyə-kredit institutları, o cümlədən BVF ilə əlaqələrin təşkil etdiyini qeyd edib. E.Rüstəmov bu istiqamətdə cənab Məhəmməd əl-Qorçinin Azərbaycan üzrə missiyaya rəhbərlik etdiyi dövrdə həyata keçirdiyi fəaliyyəti yüksək qiymətləndirdi və təşəkkürünü bildirib.

E.Rüstəmov missiyanın yeni rəhbəri xanım Tamirisaya Azərbaycanda həyata keçiriləcək fəaliyyətində uğurlar arzulayaraq BVF və Mərkəzi Bank arasında formalaşmış əməkdaşlıq, ölkədəki makroiqtisadi vəziyyət, iqtisadiyyatın şaxələnməsi və qeyri-neft sektorunun inkişafı, ölkənin xarici mövqeyi, Mərkəzi Bankın pul siyasəti istiqamətləri və bu sahədə keçirilən islahatlar barədə ətraflı məlumat verib.  

Xanım Tamirisa ölkəmizdə müşahidə olunan iqtisadi artım, makroiqtisadi və maliyyə sabitliyinin təmin edilməsi istiqamətində görülmüş işləri, aparılan islahatları müsbət qiymətləndirərək təmsil etdiyi qurumun bundan sonra da ölkəmizə texniki yardımın göstərilməsinə və müvafiq məsləhətləşmələrdə iştirak etməsinə hazır olduğunu bildirib. O, BVF-nin Azərbaycana dəstəyinin bundan sonra da davamlı olaraq genişləndirilməsi istiqamətində çalışacağını qeyd edib.

Görüşdə həmçinin Mərkəzi Bank ilə Beynəlxalq Valyuta Fondu arasında əməkdaşlığın gələcək perspektivləri ətrafında fikir mübadiləsi aparılıb.

© Materiallardan istifadə edərkən hiperlinklə istinad olunmalıdır