BANK

20 manat və ya daha yüksək məbləğdə alış-veriş edənlər elə yerindəcə hədiyyə sahibi olacaqlar - Mərkəzi Bankdan təşviq kampaniyası
08 NOYABR
537

20 manat və ya daha yüksək məbləğdə alış-veriş edənlər elə yerindəcə hədiyyə sahibi olacaqlar - Mərkəzi Bankdan təşviq kampaniyası

2018-11-08 15:04:00

Azərbaycan Respublikası Prezidentinin 2018-ci il 26 sentyabr tarixli 508 nömrəli Sərəncamı ilə təsdiq edilmiş “2018–2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı”nda Mərkəzi Banka verilmiş tapşırıqlardan biri də istehlakçıların nağdsız qaydada əməliyyatların aparılmasına təşviq edilməsidir.

Bu tapşırığın icrası məqsədi ilə Mərkəzi Bank qlobal ödəniş texnologiyalarının lideri olan “Mastercard” ilə birlikdə Naxçıvan Muxtar Respublikasında (Naxçıvan MR) rəqəmsal ödənişlərin istifadəsinin stimullaşdırılması məqsədi ilə növbəti dəfə istehlakçılar üçün stimullaşdırıcı kampaniyaya start vermişdir.

Kampaniya çərçivəsində daha iki ticarət mərkəzində 20 AZN və ya daha yüksək məbləğdə alış-verişini “Mastercard” və ya “Maestro” kartları ilə nağdsız qaydada ödəyən bütün müştərilər elə yerindəcə təklif edilən hədiyyələrdən birinə sahib olacaqlar. Kampaniya noyabrın 8-dən 2018-ci ilin sonunadək davam edəcəkdir.

Bu tip kampaniyaların gələcəkdə Azərbaycanın digər bölgələrində də davam etdirilməsi nəzərdə tutulmuşdur.

 

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9274
  • ₽ RUB
    0.0254