BANK

2019-cu il Kapital Bank Maliyyə göstəriciləri üzrə ötən ilin rəqəmlərini üstələyə biləcək? - AÇIQLAMA
06 NOYABR
107

2019-cu il Kapital Bank Maliyyə göstəriciləri üzrə ötən ilin rəqəmlərini üstələyə biləcək? - AÇIQLAMA

2018-11-06 11:06:00

İlin sonuna və 2019-cu ilə olan proqnozlarınızı eşitmək maraqlı olardı. Maliyyə göstəriciləri üzrə ötən ilin rəqəmlərini üstələyə biləcəksinizmi? Bu suala cavabı "Kapital Bank"ın İdarə Heyətinin sədri Rövşən Allahverdiyev cavablandırıb. 

-      Hər il olduğu kimi, bu il üçün də proqnozlarımız müsbətdir. İlin sonuna bir neçə ay qalıb və 3-cü rübün hesabatına nəzər saldıqda görürük ki, rəqəmlərimiz çox ümidvericidir. Bundan başqa, qeyd etdiyim kimi, hazırda Kapital Bank 2018-2020-ci illərin strateji hədəflərini həyata keçirməyə başlayıb.

Təbii ki, hər il olduğu kimi 2019-cu ildə də ötən ilin satış hədəflərini, satış rəqəmlərini üstələyərək, növbəti rekorda imza atmaq prioritetlər sırasındadır.

Xidmət sahəsində də yeniliklərimiz olacaq. Əgər indiyə qədər müştəriyə filialda xidmət göstərmə vaxtı 5-30 dəqiqə davam edirdisə, gələn il bu rəqəmin maksimumunu 15 dəqiqəyədək azaldılmasını planlaşdırırıq. Əksər bayramlar ərəfəsində, müxtəlif peşə sahiblərinə, əlamətdar günlərdə müştərilərimizi endirimlər, hədiyyələr və güzəştlər gözləyəcək. Müştəri məmnuniyyətini artırmaq üçün keyfiyyətli xidmətlə yanaşı rəqabətə davamlı, həmçinin, sərfəli şərtlər də təqdim etmək vacibdir. Biz də bu istiqamətdə fəaliyyətimizi daha da gücləndirib, müştərilərimizi sevindirəcəyik.

Sonda hər gün filiallarımıza üz tutan, Kapital Bank-ı seçərək, bizi ölkənin birinci bankı edən milyonlarla müştərilərimizə təşəkkürümü bildirmək istərdim. Növbəti illər üçün də iddialı hədəflərimiz var. Əminəm ki, onları da komandamızın peşəkarlığı və bacarığı sayəsində müvəffəqiyyətlə həyata keçirə biləcəyik.

Müəllif: Xeybər Heydərov 

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9190
  • ₽ RUB
    0.0250