BANK

Qadın bankirlər üçün seminar keçirilib
02 NOYABR
176

Qadın bankirlər üçün seminar keçirilib

2018-11-02 16:12:00

27 oktyabr 2018-ci il tarixində Park İnn otelində “Women Bankers Club”un (Qadın Bankirlər Klubu) təşkilati dəstəyi ilə Azərbaycanın bank sektorunda çalışan qadın bankirlərinin peşə biliklərinin, ixtisaslarının o cümlədən nəzəri və praktiki bacarıqlarının artırılması məqsədilə "Böyük komandaların idarə edilməsi" adlı praktik seminar keçirilib.

Seminar 10 ildən artıq İnsan Resursları sahəsində rəhbər vəzifələrdə çalışan, “Kapital Bank” ASC-nin İnsan Resurslarının İdarə Edilməsi Departamentinin Direktoru, sertifikatlaşmış kouç Fərqanə Məmmədova tərəfindən aparılıb.

Tədbirin əsas məqsədi klub üzvlərini komandanın dinamikası ilə tanış etmək, komandanın keçdiyi hər bir mərhələnin psixo-sosial əlamətlərini açıqlamaq, liderlik modelləri və onların fərqliliyini göstərmək, komandanın idarə edilməsində kouçinqin effektiv alət olduğunu vurğulamaq idi. Mövzular ətrafında geniş fikir mübadiləsi aparıldı və dinləyicilərin sualları cavablandırıldı. İştirakçılar seminarın əhəmiyyətini vurğulayaraq ondan çox bəhrələndiklərini qeyd etdilər.

Qeyd edək ki, “Women Bankers Club” Azərbaycanda yeganə Qadın Bankirləri Klubudur. Klubun məqsədi Bank sektorunda çalışan Qadınları birləşdirib, uğurlu ünsiyyət platforması yaradaraq vahid ideologiya ətrafında faydalı fkir və peşəkarlıq mübadiləsinin aparılması, yeni tanışlıqların, banklararası münasibətlərin qurulması və möhkəmləndirilməsi, bir-birinə işgüzar dəstəyin təmin edilməsidir.

Qadın Bankirlər Klubu yeni yaradılsa da, tez bir vaxt ərzində bir çoxlarının rəğbətini qazanmağa müvəfəq olub.

“Women Bankers Club”un fəaliyyəti ilə klubun rəsmi səhifəsinindən https://www.facebook.com/womenbankersclub/ daha yaxın tanış ola bilərsiniz.

 
© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9377
  • ₽ RUB
    0.0257