BANK

"AccessBank"ın müştərisi: "Nə əkirik, onu da biçirik!" - REPORTAJ
08 AVQUST
158

"AccessBank"ın müştərisi: "Nə əkirik, onu da biçirik!" - REPORTAJ

2018-08-08 10:44:00

"AccessBank" müştərilərinin uğur hekayələrini bölüşməyə davam edir. Növbəti qəhrəmanımız İsmayıllı rayonu Qubaxəlilli kəndinin sakini Fikrət Süleymanovdur. Müştərimiz "AccessBank" ilə "İsmayıllı" filialı fəaliyyətə başlayandan əməkdaşlıq edir. Fikrət bəyin çörəyi torpaqdan çıxır - onun becərdiyi arpa, buğda, noxud, mərci, soya hazırda ən iri istehsalçıların maraq dairəsindədir.

Məni qapıda müştərimizin oğlu İsmayıl qarşıladı. O, "İsmayıllı" filialımızın əməkdaşlarının tərif etdiyindən də mehriban və zəhmətkeş biri imiş. Həmin vaxt şumlanmış tarlalara diqqətlə baxan Fikrət kişi gözümə dəydi. Mən yaxınlaşanda o üfüqə zillənmiş baxışını hələ ayırmaq fikrində deyildi. Bir neçə saniyə sonra zəhmətkeşin ağır səsi gəldi: "İndiyədək heç kimin ünvanına bəytərifi deməmişəm. Amma kiminsə haqqını da yeməmişəm. Sizin də haqqınızı yemərəm. Buralar dərə-təpə, çöllük idi... Bir gün İsmayıl (oğlu - red.) sizin filialın əməkdaşları ilə danışdı, onlar da götür-qoy etdi… Sağ olsunlar, bizə inandılar, biz də inamı doğrultduq. Burada nə görürsənsə, "AccessBank"ın maliyyə dəstəyi hesabına yaratmışıq".

Fikrət kişi "zəhmətin ətri tərdir" prinsipi ilə yaşayan adi kənd zəhmətkeşlərindən biridir. Onun sözlərinə görə, zəhməti sevən işdən doymaz. Burada keçirdiyim bir neçə saat ərzində gördüm ki, bu insan işdən doymaq bilmir:

Deyirlər ki, nə əkərsən, onu da biçərsən. Əkdiyinizi biçə bilirsiniz?

- Şükür ki, indiyədək zəhmətimiz hədər getməyib. Zəhmət bizim qanımızdadır. Bunun da bəhrəsini illərdir görürük… Zəhmətlə yeyilən acı soğan, minnətlə yeyilən baldan şirindir.

 Dedilər ki, arpa, buğda, noxud, mərci və soya əkirsiniz

- Soya və mərci bu il əkilməyib, qalanlarını, doğrudur, əkmişik. Yeri gəlmişkən, taxıl yerli sort deyil, Krasnodardan (Rusiya) gətiririk.

 Tələbat var?

- Bütün iri istehsalçılar bizdən arpa və buğda alır. Açığı, sifarişlər dayanmır, bəzən hətta çatdırmırıq. Ona görə, bəzən istirahətə də vaxt qalmır. Məsuliyyətin altına girmişiksə, lazım gəlsə, gecə-gündüz, yatmadan işləyəcəyik.

Tarlalarda texnika gözümə dəymədi. Şum başlamayıb?

Çox istidir deyə, texnikanı yalnız sərin vaxtlarda işə salırıq. İndidən şum işləri artıq başlanılıb. Oktyabr-noyabr aylarında arpa-buğda əkiləcək. Noxudu fevral-mart aylarında əkirik.

Fikrət kişi deyir ki, buğda və arpa təmizlənir, sifarişçilərə çatdırılanadək anbarda saxlanılır. Anbarın tikintisi bir zərurət idi və buna görə Süleymanovlar ailəsi növbəti dəfə "AccessBank"ın köməyinə müraciət etdi: "İndiyədək bircə dəfə belə kredit ödənişini axsatmamışam, hamısı vaxtında ödənilib. Görüləcək çox işimiz var, planlarımız kiçik deyil. Bu işdə "AccessBank"ın dəstəyinə arxalanırıq".

Həmsöhbətim deyir ki, biznesin inkişafı üçün texnikanın tədricən yenilənməsi də şərtdir. Onu da öyrəndim ki, kənd sakini heyvandarlıq sahəsinə də daxil olmaq niyyətindədir. Hətta yeni kreditin cəlb olunması üçün müraciət də edilib.

Şübhəm yoxdur ki, burada olduğum müddətdə tanıdığım bu zəhmətkeş insan heyvandarlıq sahəsində də uğur əldə edəcək. Çətin ki, bu insanın əlindən gəlməyən iş olsun. Sağollaşanda eşitdiyim bu oldu ki, zəhmət torpaqda, nemət süfrədə olmalıdır. Torpağımız bol və bərəkətlidir. Nemətimiz də bol olsun

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    2.0024
  • ₽ RUB
    0.0256