BANK

"TuranBank" fermerlərə illik 6%-lə güzəştli kreditlər təklif edir
29 MAY
200

"TuranBank" fermerlərə illik 6%-lə güzəştli kreditlər təklif edir

2018-05-29 16:48:00

"TuranBank" və Kənd Təsərrüfatı Nazirliyiyanında Kənd Təsərrüfatı Layihələri və Kreditlərinin İdarə Edilməsi üzrə Dövlət Xidməti fermer və kənd təsərrüfatı məhsulları istehsal edən sahibkarlara güzəştli kreditlərin verilməsini nəzərdə tutan niyyət protokolu imzalamışdır.

Təmizlik Xidmətinə 50% ENDİRİM!

İmzalanma mərasimində "TuranBank"ın İdarə Heyəti sədrinin birinci müavini Fəzail Musayev, Kənd Təsərrüfatı Layihələri və Kreditlərin İdarə Edilməsi üzrə Dövlət Xidmətinin rəisi Mirzə Əliyev ilə yanaşı, Azərbaycan Hökuməti ilə kənd təsərrüfatı layihələrini həyata keçirən bir sıra nüfuzlu beynəlxalq təşkilatların – Dünya Bankının, Beynəlxalq Maliyyə Korporasiyasının, BMT-nin Ərzaq və Kənd təsərrüfatı üzrə Təşkilatının (FAO-nun), Avropa Yenidənqurma və İnkişaf Bankının, eləcə də Maliyyə Bazarlarına Nəzarət Palatasının, Azərbaycan Sahibkarlar Təşkilatları Milli Konfederasiyasının, Azərbaycan Nar İstehsalçıları və İxracatçıları Assosiyasiyasının təmsilçiləri və bir sıra yerli bank və kredit təşkilatlarının nümayəndələri də iştirak etmişlər.

Kənd Təsərrüfatı Layihələri və Kreditlərinin İdarə Edilməsi üzrə Dövlət Xidməti ilə birgə icra olunacaq layinənin şərtlərinə əsasən, Bank fermerlərə kreditləri 200 000 manatadək olmaqla, maksimum illik 6%-lə, 5 il müddətinə təqdim edəcək. Qeyd edək ki, kənd təsərrüfatı və regionların inkişafı sahəsində uğurlu fəaliyyəti ilə seçilən "TuranBank" Kənd Təsərrüfatı Nazirliyi yanında Kənd Təsərrüfatı Layihələri və Kreditlərinin İdarə Edilməsi üzrə Dövlət Xidməti ilə əməkdaşlıq çərçivəsində bu gunədək ümumilikdə 910 təsərrüfat subyektinə 23,7 milyon manat həcmində güzəştli kredit vermişdir.

TuranBank 9-u ölkənin regional mərkəzlərində (Gəncə, Sumqayıt, Ağstafa, Tovuz, Zaqatala, Xaçmaz, Cəlilabad, Ağcabədi və Qazax) olmaqla ümumilikdə 16 xidmət nöqtəsi vasitəsilə müştərilərə xidmət göstərir.

Bankın xidmət və məhsulları haqqında ətraflı məlumatı Bankın rəsmi www.turanbank.az saytından, facebook (www.facebook.com/turanbankasc), instagram (https://www.instagram.com/turanbank/) səhifələrindən və ya 935 nömrəli Məlumat Mərkəzindən əldə etmək olar. 

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9810
  • ₽ RUB
    0.0269