BANK

"DekaBank"ın sabiq rəhbərinin məhkəməsində Mərkəzi Bankın məktubu elan olunub
25 APREL
200

"DekaBank"ın sabiq rəhbərinin məhkəməsində Mərkəzi Bankın məktubu elan olunub

2018-04-25 16:00:00

Bu gün Bakı Ağır Cinayətlər Məhkəməsində ləğv edilmiş "DekaBank" Açıq Səhmdar Cəmiyyətinin İdarə Heyətinin sabiq sədri Niyazi Vəliyev və "DekaBank"ın Maliyyə departamentinin sabiq direktoru Bəhram Hüseynovun cinayət işi üzrə məhkəmə iclası davam etdirilib. Fins.az "Report"-a istinadən xəbər verir ki, hakim Ramella Allahverdiyevanın sədrliyi ilə keçirilən prosesdə Mərkəzi Bankın müxbir hesabından çıxarışla əlaqədar sənədlərin məhkəməyə təqdim olunması ilə bağlı sorğuya cavab gəldiyi bildirilib.

Mərkəzi Bankın məktubu məhkəmədə elan olunub. Qeyd edilib ki, hazırda "DekaBank" ləğvetmə prosesində olduğu üçün, bütün sorğular Əmanətlərin Siğortalanması Fondununa ünvanlanmalıdır.

Məhkəmədə elan olunub ki, müxbir hesabından çıxarışla əlaqədar olaraq, "DekaBank"a da sorğu göndəriləcək.

Məhkəmənin növbəti iclası mayın 2-nə təyin edilib.

Qeyd edək ki, təqsirləndirilən şəxslərə qarşı Cinayət Məcəlləsinin 179.3.2-ci (mənimsəmə; külli miqdarda törədildikdə), 178.3.2-ci (dələduzluq; külli miqdarda törədildikdə), 308 və 313-cü maddələri ilə ittiham irəli sürülüb.

"DekaBank" ASC-nin lisenziyası 2016-cı il iyulunda ləğv edilib. Bu iş üzrə cinayət işi materiallarında 5 milyon manatlıq dəymiş zərərin olduğu göstərilir.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    2.0001
  • ₽ RUB
    0.0277