BANK

PAŞA Bank ilk rübü mənfəətlə başa vurub
24 APREL
276

PAŞA Bank ilk rübü mənfəətlə başa vurub

2018-04-24 10:21:00

PAŞA Bank ASC-nin yerli standartlar əsasında tərtib edilmiş rüblük hesabatlarına görə, Bank, 2018-ci ilin 1-cü rübünü 6 milyon 532 min manat xalis mənfəət ilə başa vurub. Bu, 2017-ci ilin 1-ci rübü ilə müqayisədə 3,7 dəfə azdır. PAŞA Bank 2017-ci ilin ilk rübünü 23 milyon 946 min manat xalis mənfəətlə bağlamışdı. Hesabatlara əsasən cari ilin yanvar-mart dövründə PAŞA Bankın cəmi gəlirləri 47 milyon 98 min manat, o cümlədən faiz gəlirləri 40 milyon 307 min manat, qeyri-faiz gəlirləri isə 6 milyon 791 min manat təşkil edib. Xərclər çıxıldıqdan sonra Bankın 7 milyon 664 min manat əməliyyat mənfəəti qalıb. Bu mənfəətdən 1 milyon 132 min manat mənfəət vergisi ödənilib. 2017-ci ilin yanvar-mart dövründə PAŞA Bankın cəmi gəlirləri 61 milyon 475 min manat, o cümlədən faiz gəlirləri 42 milyon 743 min manat, qeyri-faiz gəlirləri isə 18 milyon 732 min manat təşkil edib.

2017-ci ilin ilk rübündə faiz qazandıran aktivlər üzrə dəyərsizləşmə üçün ehtiyata ayırma 13 milyon 327 min manat ikən, 2018-ci ilin ilk rübündə 14 milyon 166 min manat təşkil edib. PAŞA Bankın xalis mənfəətinin azalmasının əsas səbəbi xarici valyutadan xalis gəlirlərin 14 milyon 886 min manatdan 2 milyon 161 min manata düşməsidir. 2017-ci ilin əvvəlində məzənnələrdə spred yüksək idi, Dollar əvvəlki dövrlər ilə müqayisədə bahalaşırdı və nəticədə də banklar valyuta əməliyyatlarından daha yüksək gəlir götürürdülər. PAŞA Bank, məzənnənin sabitləşməsilə xarici valyutadan xalis gəlirlərin də düşəcəyini gözləyirdi. Ötən ilin ilk rübü ilə müqayisədə PAŞA Bankın faiz gəlirəri azalıb, ehtiyatlara ayırma artıb. Eyni zamanda işçilər üzrə xərclərin artması ilə cəmi xərclər də artıb. Bütün bu amillər də xalis mənfəətinin azalmasına təsir göstərib. 31 Mart 2018-ci il tarixində PAŞA Bank 3 milyard 707 milyon manat cəmi aktivlərə, 3 milyard 299 milyon manat cəmi öhdəliklərə və 409,1 milyon manat cəmi kapitala malik olub.

 
© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9673
  • ₽ RUB
    0.0259