BANK

"Fitch" Azərbaycanın da səhmdarı olduğu banka ən yüksək reytinq verdi
13 İYUL
526

"Fitch" Azərbaycanın da səhmdarı olduğu banka ən yüksək reytinq verdi

2017-07-13 16:44:00

"Fitch" beynəlxalq reytinq agentliyi Asiya İnfrastruktur İnvestisiyaları Bankının (AİİB) uzunmüddətli öhdəlikləri üzrə reytinqini "AAA+", qısamüddətli öhdəlikləri üzrə isə "F1+" səviyyəsində təsdiqləyib.

Fins.az xəbər verir ki, mümkün olan ən yüksək reytinq üzrə proqnoz stabildir.

"Bu reytinq bankın mövcud və gözlənilən güclü tərəflərini əks etdirir. Bankın kifayət qədər güclü kapitallaşmaya malikdir. Bankın güclü və keyfiyyətli menecmentə malik olması riskləri minimuma endirir", - deyə agentliyin açıqlamasında qeyd edilib.

Asiya İnfrastruktur İnvestisiyaları Bankı 2015-ci ildə Çinin təşəbbüsü ilə təsis olunub. Maliyyə təşkilatının nizamnamə kapitalı 100 mlrd. dollara bərabərdir. Bankın ən iri səhmdarları Çin (26,06%), Hindistan (7,5%) və Rusiyadır (6%). Hazırda 57 ölkə bankın üzvüdür.

Azərbaycan banka 2016-cı ilin iyulun 24-də üzv olub. Ölkəmizin bankın nizamnamə kapitalında iştirak payı 0,2732% (254,1 mln. dollar) təşkil edir.

Onu da qeyd edək ki, AİİB TANAP layihəsinə 600 mln. dollar kredit ayrılması ilə bağlı qərar qəbul edib.

© APA

© Materiallardan istifadə edərkən hiperlinklə istinad olunmalıdır
+14°C
  • $ USD
    1.7002
  • € EUR
    2.0070
  • ₽ RUB
    0.0285