BANK

Bankların məcburi ehtiyat saxlaması qaydası dəyişir - QƏRAR
16 İYUN
754

Bankların məcburi ehtiyat saxlaması qaydası dəyişir - QƏRAR

2017-06-16 11:56:00

Pul təklifi üzərində nəzarətin gücləndirilməsi və qiymət sabitliyinin dəstəklənməsi, eləcə də pul siyasətinin effektivliyinin artırılması məqsədilə Azərbaycan Mərkəzi Bankının (AMB) İdarə Heyəti “Məcburi ehtiyatların norması, hesablanması və saxlanması Qaydası”nda dəyişiklik edilməsi barədə qərar qəbul edib.

Fins.az-ın verdiyi xəbərə görə, dəyişikliyə əsasən, bank məcburi ehtiyatları hesablama bazasına daxil olan milli valyutada və qiymətli metallarda depozitlər üzrə Mərkəzi Bankda olan manatla müxbir hesabında, xarici valyutada olan depozitlər üzrə isə Mərkəzi Bankda istənilən xarici valyutada olan müxbir hesabında saxlamalıdır.

Qeyd edək ki, hazırda isə banklar məcburi ehtiyatları hesablama bazasına daxil olan depozitlərin valyutasından asılı olmayaraq AMB-dəki istənilən bir və ya bir neçə müxbir hesabda saxlaya bilərlər.

Bu dəyişiklik 2017-ci il 1 avqust tarixindən qüvvəyə minəcək.

© Materiallardan istifadə edərkən hiperlinklə istinad olunmalıdır
+8°C
  • $ USD
    1.7001
  • € EUR
    2.0116
  • ₽ RUB
    0.0290