BANK

Vaxtı keçmiş kreditlər rekord vurdu – TƏHLİL
12 YANVAR
419

Vaxtı keçmiş kreditlər rekord vurdu – TƏHLİL

2017-01-12 11:17:00

Azərbaycan banklarının vaxtı keçmiş kreditlər problemi hələ də gündəmdədir. Fins.az iqtisadi vəziyyətin əsas göstəricilərindən biri olan kredit portfelinin problemləri üzrə cari vəziyyəti və illər üzrə müqayisəsini aparıb. Maraqlı göstəricilərdən biri 2005-ci ildə, maliyyə sabitliyi mövcud olduğu vaxtda belə vaxtı keçmiş kreditlərinin həcminin yüksək olmasıdır. Qeyd edək ki, bütün göstəricilər Mərkəzi Bankın statistikasından əldə olunub.

Belə ki, 2005-ci ilə nəzər saldıqda görürük ki, vaxtı keçmiş kreditlərin həcmi 68 milyon 200 min manat təşkil edir. O dövrə baxdıqda və verilən kreditlərə nəzər yetirdikdə bu həcmin yetəri qədər çox böyük olduğunu deyə bilərik. 2005-ci ildən sonrakı dövrdə də vaxı keçmiş kreditlərin miqdarı durmadan atıb. Bu da real sektora verilən kreditlərin düzgün yerləşdirilməməsinin nəticəsidir

2014-cü ilin oktyabr ayında real sektorda geri qaytarılmayan kreditlərin ümumi həcmi təqribən 866 milyon artaraq 934 milyon 400 min manat olub. Gördüyümüz kimi, aradakı fərq yetəri qədər çoxdur.

2014-cü ilin oktyabr ayına nəzərən 2015-ci ilin oktyabrında vaxtı keçmiş kreditlərin miqdarı yenə də yüksəlib və 1 milyard 302 milyon manat olub. Lakin ilin sonuna doğru yəni, 2015-ci ilin dekabrında ödənilməmiş kreditlərin miqdarı yenidən təxminən 200 milyon artaraq 1 milyard 508 milyon olub.

Ötən dövrə diqqət yetirdikdə isə görürük ki, real sektorda vaxtı keçmiş kreditlərin ən böyük həcmi 2016-cı ilin sentyabr ayında müşahidə olunub. Belə ki, sentyabrda vaxtı keçmiş kreditlərin miqdarı 1 milyard 597 milyon manat olub. Lakin  həmin ilin oktyabr ayında bu göstərici 200 milyona qədər azalaraq 1 milyard 375 milyon manat olub.

Beləliklə, son 3 ilin oktyabr ayı üzrə müqayisəli təhlil göstərir ki, real sektorda vaxtı keçmiş kreditlər üzrə maksimum elə 2016-ci ildə müşahidə olunub.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.8311
  • € EUR
    1.9483
  • ₽ RUB
    0.0308