BANK

Banklar müştərilər haqında bunu da bilmək istəyirlər - TƏKLİF
26 NOYABR
1703

Banklar müştərilər haqında bunu da bilmək istəyirlər - TƏKLİF

2016-11-26 13:36:00

Azərbaycan bankları müştərilərə kredit verərkən onların məhkəmə işlərinin olub-olmaması barədə dəqiq məlumat əldə edə bilmir. Fins.az xəbər verir ki, bunu Bakıda Azərbaycan Banklar Assosiasiyasının (ABA) təşkilatçılığı ilə keçirilən "Post-neft dövründə bank sisteminin inkişafı: yeni çağırışlar və perspektivlər" adlı forumun ikinci günündə ABA-nın hüquq ekspert qrupunun rəhbəri Qorxmaz Ağayev deyib.
“Doğrudur, vətəndaş bəyan edir ki, haqqında məhkəmə işi yoxdur, amma bu məsələdə düz məlumat verməyə də bilər. Yaxşı olar ki, bankların Maliyyə Bazarlarına Nəzarət Palatasının Mərkəzləşdirilmiş Kredit Reyestri Xidmətinə çıxışı olduğu kimi, məhkəmə qərarları ilə bağlı elektron bazaya da çıxışı olsun. Yəni, vətəndaşın öz razılığı ilə həmin bazaya sorğu verib, onun necə müştəri olduğu dəqiqləşdirilsin”.
Təklifə münasibət bildirən Ədliyyə Nazirliyi İcra Baş İdarəsinin baş məsləhətçisi Eynur Babayev isə bildirib ki, təmsil etdiyi qurumun elektron bazası yenicə yaradılıb və cəmi 8 rayonda test rejimində işləyir. Bununla belə, sistem tam gücü ilə işə düşdükdən sonra bankların bununla bağlı istəyi nəzərdən keçirilə bilər.

Eləcə də bax: Banklar borcalan və zaminlərə qarşı qanunsuzluq edirlər – MƏHKƏMƏ HAKİMİ

Mənbə: Report

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8297
  • ₽ RUB
    0.0270