BANK

Banklar böhrana hazırlaşır – «BÖHRAN KOMMUNİKASİYASI» TƏLİMİ
14 NOYABR
653

Banklar böhrana hazırlaşır – «BÖHRAN KOMMUNİKASİYASI» TƏLİMİ

2016-11-14 13:53:00

Bakıda Bank PR menecerləri üçün “Bank sektorunda PR” və “Böhran Kommunikasiyası” mövzusunda təlim keçirilib. Fins.az-ın məlumatına görə, 11-12 noyabr tarixində Bakıda “World Business Centre”də “Baku School of Public Relations” şirkətinin və “Azerbaijan Public Relations Association” APRA-nın təşkilatçılığı  ilə Bank sektorunda çalışan ictimaiyyətlə əlaqələr (PR) mütəxəssisləri  üçün  “Bank sektorunda PR” və “Böhran Kommunikasiyası” mövzusunda növbəti təlim keçirilib. 

Azərbaycan Mərkəzi Bankının mətbuat katibi, PR üzrə mütəxəssis Namiq Əliyev və “Alibayov Kommunikasiya & Konsaltinq Şirkəti”nin rəhbəri, Avropa İctimaiyyətlə Əlaqələr İnstitutunun (Fransa) Ekspertlər Şurasının üzvü, PR üzrə tanınmış mütəxəssis Vəli Əlibəyov tərəfindən aparılan təlim proqramı kommunikasiya və ictimaiyyətlə əlqələr üzrə mütəxəssislər tərəfindən maraqla qarşılandı.   

İki gün davam edən təlimdə PR mütəxəssislərin bu sahədə fikir mübadiləsi aparıldı, bilik və bacarıqlarının artırılması, beynəlxalq təcrübə ilə bağlı məlumatlar verildi. Təlimin ilk günü Mərkəzi Bankının mətbuat katibi N.Əliyev ictimaiyyətlə əlaqələr, media ilə əlaqələr - əsas anlayışlar, müasir yanaşmalar, mətbuat xidməti necə olmalı, kommunikasiya əsrinin KİV-i: qəzetlər, jurnallar, internet, televiziya, radio, hədəf auditoriyalara görə informasiya kanallarının seçimi, hədəf auditoriyalar üçün nəzərdə tutulmuş məlumatların klassik və müasir çatdırılma yolları, mətbuat xidməti və KİV mövzuları barəsində ətraflı məlumat verdi.

Təlimin növbəti günü PR üzrə tanınmış mütəxəssis V.Əlibəyov banklarda böhran kommunikasiyası və onları həlli yolları mövzusunda maraqlı təqdimat etdi. 

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8651
  • ₽ RUB
    0.0271