BANK

Azərbaycan Beynəlxalq Bankı xərclərini azaldır
06 OKTYABR
353

Azərbaycan Beynəlxalq Bankı xərclərini azaldır

2016-10-06 13:04:00
Azərbaycan Beynəlxalq Bankının (ABB) yeni elektron şöbəsi Bankın filialların saxlanmasına çəkdiyi xərcləri azaldacaq. Bunu ABB-nin İdarə Heyətinin sədr müavini Elmir Həbibullayev deyib.
"Hazırda bu şöbə ilə filiallarda göstərilən xidmətlərin 90%-ni əhatə etmək mümkündür. Düşünürəm ki, elektron şöbələrin sayını artırmaqla biz filialların saxlanılması kimi inzibati xərclərə qənaət etmiş olacağıq", - deyə o, qeyd edib.
Bank rəsmisinin sözlərinə görə, gələcəkdə ABB-nin bəzi filial və şöbələrinin elektron şöbələrlə əvəz edilməsi nəzərdə tutulur: "Elə filial və şöbələr var ki, onların saxlanma xərcləri çoxdur. Buna görə də planımızda var ki, belə filial və şöbələri elektron şöbələrlə əvəz edək. Təbii ki, bu, bütün filial və şöbələrə aid deyil".
E.Həbibullayev təmsil etdiyi maliyyə qurumunun müştərilərinin sayını da açıqlayıb və bu rəqəmin 2 mln.-a çatdığını bildirib.
 
Mənbə: Report
© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8516
  • ₽ RUB
    0.0272