BANK

MDB məkanında  ən mükəmməl  mobil əlavə Azərbaycan bankındadır
20 SENTYABR
279

MDB məkanında  ən mükəmməl  mobil əlavə Azərbaycan bankındadır

2016-09-20 11:02:00
Bu haqda “Deloitte & Touche LLC” şirkətinin araşdırması zamanı məlum olub. Fins.az bildirir ki,  Deloitte & Touche LLC şirkəti 2016-cı il üçün MDB banklarının mobil əlavələrinin araşdırılması zamanı Azərbaycan bank sektorunda öz çoximkanlı və unikal xidmətləri ilə seçilən Unibank Mobile,  MDB məkanında ən yaxşı mobil əlavələrdən biri hesab olunub.
 
Qeyd edək ki, Deloitte şirkətinin bir sıra MDB ölkələrində yerləşən ofislərində aparılan  yerli mobil əlavələrinin ekspes analizi nəticəsində, Azərbaycan bank sistemində ən qabaqcıl mobil banking xidmətinin, məhz Unibankın mobil banking sistemiolduğu qərarına gəlinib.
Funksionallıq baxımından, Unibank Mobile Rusiyanın ilk 5-liyində gedən mobil banking sistemləri ilə eyni səviyyədə qiymətləndirilib. Deloitte ekspertləri hesab edir ki,  Unibank Mobile-ın interfeysi, funksionallığı və naviqasiyası, Rusiyanın ən yaxşı mobil banking xidmətinə malik “Тинькофф Банк”la oxşardır. Hətta müştərilərinə verdiyi xidmət imkanlarına görə “Tinkoff Bank”dan üstünlukləri də var. Məsələn, tətbiq olunmuş sənədlərin əslini təqdim etmədən hesab açarkən müştərinin müəyyənləşdirilməsi (identifikasiya) imkanı Unibankın mükəmməl bir mobil əlavəyə malik olmasının göstəricisidi. Bu imkan Rusiya bazarında hələ tətbiq olunmayıb.
 
Deloitte-nin araşdırmasında vurğulanır ki, Unibank MobileAzərbaycanın mobil banking xidmətində  imkanlarına və müştərilərin istifadəsinə görə lider mövqedədir.  Üstülüklər sırasında bankın filial və bankomatlarının marşrutunun göstərilməsi, tranzaksiyaların statuslarına baxmaq imkanı, xüsusi təkliflərin bildirişi  üçün  geolokasiyalardan istifadə, aylıq ödənişlərinavtomatik həyata keçirilməsi üçün şablonunun yaradılması və  digər  imkanlar vurğulanır.
Araşdırmada Unibank Mobile-a qoşulmanın bir neçə üsulunun olması, ödənişlərdə çox variantlılıq, bir çox məhsulların, xidmətlərin banka getmədən sifarişi, istifadəsi üçün müştəriyə seçim imkanlarının yaradılması və digər imkanlar bu mobil əlavənin bazardakı digər banking xidmətlərindən üstünlüyü kimi qeyd olunur.
Qeyd edək ki, Unibank  ilk mərhələdə müştəri bazasının 25-30 faizinin mobil banking xidmətindən faydalanmasında maraqlıdır. Hədəf  Unibank müştərisinin banka gəlmədən, bütün bank məhsul və xidmətlərinin 90-95 faizindən öz telefonunda istifadə etmək imkanının yaradılmasıdır. Qoşulması çox asan olan Unibank Mobile  bankın müştərisinə təhlükəsiz, sürətli və rahat bank xidmətləri ilə təmin edir.
© Materiallardan istifadə edərkən hiperlinklə istinad olunmalıdır
+12°C
  • $ USD
    1.7430
  • € EUR
    1.8487
  • ₽ RUB
    0.0275