BANK

Qara bazarda dollar ucuzlaşacaq – AÇIQLAMA
08 SENTYABR
5060

Qara bazarda dollar ucuzlaşacaq – AÇIQLAMA

2016-09-08 13:58:00

Sentyabr ayının 8-də Neft Fondu və Mərkəzi Bank vasitəsilə hərraca 300 milyon dollar çıxarılması dollarla bağlı yaranan ajiotajı nisbətən sakitləşdirəcək. Bunu fins.az-a açıqlamasında ekspert Cəfər İbrahimli bildirib. Onun sözlərinə görə, son hərrac bankların dollara tələbatının 600 milyon dollar olmadığını göstərdi.Hərraca çıxarılan məbləğ demək olar ki, bankların tələbinə yaxındır.Ekspert bildirib ki, hərraca daha böyük məbləğin çıxarılması bayramqabağı  vəziyyəti stabilləşdirəcək. Banklar dollar satışı bərpa edəcək və limitləri aradan qaldırılacaq.Bundan əlavə,banklar alış-satış spredini  artıracaqlar. Belə ki, son günlər alış-satış spredi 1%-ə qədər azalmışdı.İndi isə dolların alış qiyməti 1.65 manat, satışı 1.70-1.71 manat arasında dəyişəcək.

C.İbrahimli hesab edir ki, bankların dollar satışını bərpa etməsi “qara bazar”dakı məzənnəyə də ciddi təsir göstərəcək:”Artıq dolları 1.83 manata satmaq mümkün olmayacaq. Belə ki, müştərilər artıq bankdan istənilən məbləğdə xarici valyuta ala biləcək”. Nəticədə  “qara bazar”da da məzənnənin bankların satış qiymətinə yaxın olacağı gözlənilir- 1.72-1.73 manat.

Ekspert hesab edib ki, bankların dollar tələbatının böyük hissəsini qarşılaması  sentyabr ayının sonuna kimi xarici valyuta satışı ilə bağlı vəziyyəti stabil olaraq saxlayacaq.

 

 

 
© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8651
  • ₽ RUB
    0.0271