BANK

Ödəniş terminallarının işində problem yaranıb
03 SENTYABR
466

Ödəniş terminallarının işində problem yaranıb

2016-09-03 11:22:00

Azərbaycanın iki aparıcı ödəniş sistemi - "E-manat" və "MilliÖn"ün işində çətinliklər yaranıb. Fins.az xəbər verir ki, bu şəbəkələrə aid ödəniş terminallarının xidmətindən istifadə edən zaman aparatların monitorunda sistemin müvəqqəti işləmədiyi bildirilir.

Son nəticədə vətəndaşlar bank, kommunal, rabitə və digər ödənişləri həyata keçirə bilmirlər.

Qeyd edək ki, "E-manat" teminalları "Modenis" MMC-yə, "MilliÖn" terminalları isə "Komtek" MMC-yə məxsusdur.

Məsələ ilə bağlı açıqlama verən "Modenis" şirkətinin direktor müavini Vüsal Süleymanov bildirib ki, ara-sıra bəzi terminalların işində fasilə yaranması mümkündür, amma problem kütləvi deyil: "Terminal kompüter sistemi ilə təchiz olunub, hərdən bəzi terminallarımızda fasilə ola bilər, lakin hazırda əksər terminallarda ödənişlər qəbul edilir və ünvanına çatır".

"Komtek" MMC-nin PR meneceri Ülviyyə Əfəndiyeva isə deyib ki, hazırda təmsil etdiyi şirkət proqram təminatını yeniləyir: "Bu baxımdan terminalların işində çətinliklər mümkündür, amma tezliklə onlar aradan qaldırılacaq və terminallar normal qaydada işləyəcək". 

Eləcə də bax: Hansı banklar MOBİL Bankçılıq xidmətləri göstərir? – SİYAHI

Eləcə də bax: POS terminallar azalmaqda davam edir

"Report"

 

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7430
  • € EUR
    1.8487
  • ₽ RUB
    0.0275