BANK

Banklar dollar satışında limiti daha da azaltdılar – SİYAHI
25 AVQUST
4468

Banklar dollar satışında limiti daha da azaltdılar – SİYAHI

2016-08-25 12:50:00

Xəbər verdiyimiz kimi, dolların bahalaşması banklarda valyutanın 300-500 dollar arası limitlə satılmasına gətirib çıxarıb.  Banklar  valyuta qıtlığının səbəbini hərracdan ehtiyac olduğu qədər xarici valyuta ala bilməmələri ilə izah edirlər.

Mərkəzi Bank isə kommersiya banklarının  valyuta tələblərini hərraclar vasitəsilə ödəyə bilmədikdə, əlavə olaraq banklararası valyuta bazarına müraciət etməyi tövsiyyə edir. 

Eləcə də bax: Dolların “qara bazar” qiyməti

Fins.az –ın araşdırmalarına görə, hazırda bəzi banklar ümumiyyətlə valyuta satışını dayandırıblar. Bir qism isə limiti 100 dollara qədər azaldıb. 

Dollar satışını dayandıran və ya limiti minimallaşdıran banklar aşağıdakılardır.

“Bank Respublika” -100 dollardan yüksək valyutanın satışını həyata keçirmir.

“Bank Silk Vey” – kartlar üzrə dollar əməliyyatları davam etsə də, valyuta alış-satışını tamamilə dayandırıb.

“Bank Standard”- nağd dollar satışını dayandırıb.

“Bank VTB (Azərbaycan)”- nağd dollar satışını dayandırıb. 

“Caspian Development Bank”- dollar satışını 200 dollar limitlə  davam etdirir. 

“Expressbank”- valyutanın satışına limit tətbiq edilməsə də, müştərinin nə qədər həcmdə dollar alması kassadakı məbləğdən asılıdır. Yəni kassada 1000 dollar qalıbsa,  müştəri 1000 dollar alacaq, 10 dollar qalıbsa 10 dollar. 

 “Kapital Bank” – istənilən həcmdə dollar alışını aparsa da, dollar satışına 100 dollar limit tətbiq edir. 

“Muğanbank” –dollar satışını dayandırıb. 

“Accessbank”- konvertasiyanı300 dollara qədər limitlə aparır. 

“AFB Bank” – dollar satışını dayandırıb. 

“AGBank” - 100 dollardan yüksək məbləğdə valyuta satmır. 

“Amrahbank” – dollar satışımaksimum 200 dollartəşkil edir. 

Atabank” – bu bankda da dolların satışı kassadakı balansdan asılıdır. Limit isə 300 dollardır. 

“Bank of Baku” – bu  bankdan 300 dollar limitlə şəxsiyyət vəsiqəsi təqdim etməklə dollar almaq mümkündür.

“Turanbank” – 100 dollar limitlə dollar satır. 

“PAŞA Bank” –ancaq  bankın müştərilərinə dollar satır. Bu zaman limit tətbiq etmir. 

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8516
  • ₽ RUB
    0.0272