BANK

Mərkəzi Bank manatın məzənnəsi ilə bağlı açıqlama yaydı
24 İYUN
6565

Mərkəzi Bank manatın məzənnəsi ilə bağlı açıqlama yaydı

2016-06-24 18:45:00

Azərbaycan Mərkəzi Bankı (AMB) Böyük Britaniyanın Avropa İttifaqından çıxmasının manatın məzənnəsinə necə təsirinə münasibət bildirib. 

Fins.az APA-ya istinadən məlumat verir ki, bankın valyuta ehtiyatları diversifikasiya strategiyasına uyğun olaraq ABŞ dolları, avro, funt sterlinq olmaqla likvid maliyyə alətlərində saxlanılır: "Bu baxımdan, Mərkəzi Bankın valyuta ehtiyatlarının böyük əksəriyyəti (85%-dən çox) ABŞ dollarında olduğundan, digər valyutaların ABŞ dollarına qarşı məzənnəsinin zəifləməsi nəticəsində əhəmiyyətli məzənnə fərqi yaranmayıb. Azərbaycan Mərkəzi Bankının elan etdiyi yeni məzənnə rejiminə uyğun olaraq ABŞ dollarının manata nəzərən məzənnəsi dünya maliyyə bazarlarında "Brexit" ilə bağlı gedən məzənnə dəyişikliklərindən deyil, yerli valyuta bazarındakı tələb-təklif nisbətindən asılı olaraq formalaşır. Xarici valyuta bazarındakı tələb-təklif nisbətinə isə təsir göstərən əsas amillər  tədiyə balansının vəziyyəti, yəni ölkəyə daxil olan və ölkədən çıxan xarici valyutanın həcmi, büdcə ehtiyacları üçün neft transferlərinin həcmi, həmçinin də ölkədə dedollarizasiya istiqamətində görülən tədbirlərdir".

Qeyd edək ki, ötən gün keçirilən referendumda britaniyalıların 51,9%-i krallığın Avropa İttifaqının tərkibindən çıxmasına səs verib.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7430
  • € EUR
    1.8487
  • ₽ RUB
    0.0275