BANK

Azərbaycan Dünya Bankından 500 milyon dollar kredit istəyib
01 İYUN
250

Azərbaycan Dünya Bankından 500 milyon dollar kredit istəyib

2016-06-01 14:49:00

Azərbaycan “Cənub Qaz Dəhlizi” layihəsinin həyata keçirilməsi üçün Dünya Bankından (DB) $500 mln. məbləğində kredit cəlb etməyi planlaşdırır.

Fins.az-ın məlumatına görə, bu barədə “İnterfaks-Azərbaycan” agentliyinə bankın Bakı nümayəndəliyindən məlumat verilib.

"Azərbaycan tərəfi layihədəki payını maliyyələşdirmək üçün $500 mln. həcmində kreditin ayrılması xahişi ilə Dünya Bankına müraciət edib. Hazırda bu məsələ ilə bağlı müzakirələr aparılır”, - deyə bankın nümayəndəsi bildirib.

Onun sözlərinə görə, layihənin benefisiarı “Cənub Qaz Dəhlizi” QSC olacaq.

Nümayəndə əlavə edib ki, müraciətlə bağlı müsbət qərar qəbul edildiyi halda kredit dövlət zəmanəti ilə ayrılacaq.

"Layihənin hazırlanması, danışıqların aparılması, bankın Direktorlar Şurası tərəfindən kreditin ayrılmasının təsdiqi proseslərini 2016-cı ilin sonunadək başa çatdırmaq planlaşdırılır”, - deyə o qeyd edib.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8516
  • ₽ RUB
    0.0272