AVTO

Maşın nömrələrinin satışı saytlardan yığışdırıldı
14 FEVRAL
550

Maşın nömrələrinin satışı saytlardan yığışdırıldı

2018-02-14 14:27:00

Maşın nömrələrinin satışı avto-elan saytlarından tamamilə yığışdırılıb. Fins.az xəbər verir ki,  avtomobil elan saytlarında maşın nömrələrinin satışına artıq rast gəlinmir.

Bir müddət əvvəl avto-elan saytlarında fantastik qiymətlərə maşın nömrələrini tapmaq olardı. Hətta həmin saytlara istinadən ən bahalı maşın nömrələrinin siyahısını təqdim etmişdik.

Eləcə də bax: Yeni nəsil "Galendevagen" təqdim edildi -FOTOLAR

Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyev bu məsələ ilə əlaqədar bir müddət öncə bildirmişdi ki, bu cür saytlarda dövlət qeydiyyat nişanının satışa çıxarılması qanunsuzdur:“Nömrələr müraciət edənlərə növbəlilik əsasında verilir. Yəni nömrələrə ayrı-seçkilik qoyulmur ki, bu cüt nömrədir və ya əksinə. Kimin qismətinə çıxır, ona verilir”.

K.Əliyevin sözlərinə görə, dövlət qeydiyyat nişanının verilməsi zamanı növbəsi çatan avtomobil sahibinin bəxtinə hansı nömrə düşürsə, dövlət rüsumu ödənilməklə ona verilir. Yəni həmin nömrə cütrəqəmli də ola bilər, qarışıqrəqəmli də.

Əlbəttə, K.Əliyevin bu sözlərinin həqiqəti nə qədər əks etdirdiyini maşınına dövlət nömrəsi alanlar daha yaxşı bilir. Fakt odur ki, bu açıqlamadan sonra saytlarda avtomobillərin dövlət qeydiyyatı nömrələrinin satışı yığışdırılıb.

axar.az

© Materiallardan istifadə edərkən hiperlinklə istinad olunmalıdır
+6°C
  • $ USD
    1.7001
  • € EUR
    2.1060
  • ₽ RUB
    0.0301