AVTO

Azərbaycanlı gəncin “Yeni sahil”i - Neftçala avtomobil zavoduna göndəriləcək
04 YANVAR
723

Azərbaycanlı gəncin “Yeni sahil”i - Neftçala avtomobil zavoduna göndəriləcək

2018-01-04 17:16:00

Azərbaycanlı gənc Ramil Nəcəfov yeni avtomobil dizaynı üzərində işi başa çatdırıb.

Dizayner bildirib: “Yeni sahil” adı verilən bu avtomobil ekonom sinfə aiddir. “Yeni sahil” dördnəfərlik, ön ötürücülü və beşqapılıdır. Dam boyu panoram lükü olan avtomobilin mühərrikinin həcmi 1,3 litrdir. Beşpilləli avtomat robot transmissiya sistemi ilə hərəkət edə bilən avtomobilin maksimum sürəti saatda 200 kilometrə çatır. Əyləc funksiyası dörd ədəd qırmızı antiblok əyləc sistemi vasitəsilə yerinə yetiriləcək. Avtomobil həm elektrik, həm də benzinlə işləyə bilər. Əlbəttə, bütün bu göstəricilər nəzəri cəhətdən mümkündür. Daha dəqiqini mütəxəssislər deyə bilərlər”.

R.Nəcəfov qeyd edib ki, bu dizaynı hazırlamaq üçün dörd ay sərf edib. O, layihəsinin dəstəklənməsi üçün “Yeni sahil” avtomobil modelinin dizaynını Neftçala Sənaye Məhəlləsindəki avtomobil zavoduna göndərmək niyyətindədir.

© Azərtac

© Materiallardan istifadə edərkən hiperlinklə istinad olunmalıdır
+9°C
  • $ USD
    1.7001
  • € EUR
    2.0914
  • ₽ RUB
    0.0301